मुंबई: बिना परमिशन PM मोदी आ उनकरी प्लेन के तस्वीर खींचे वाला दुगो पत्रकारन पs FIR
मुंबई में पीएम मोदी आ उनुका विमान के बिना अनुमति के तस्वीर खींचे वाला दू गो पत्रकारन के सजा सुनावल गइल। पुलिस एs मामिला में एगो रिपोर्टर अवुरी एगो वीडियो पत्रकार के खिलाफ मामिला दर्ज कईले बिया।
बतावल जाता कि पीएम मोदी छत्रपति शिवाजी हवाई अड्डा पs मौजूद रहले, उनुकर फोटो खींचे खातीर, दुनो लोग बिना अनुमति के पास के एगो बिल्डिंग के एगो फ्लैट में घुस गईले अवुरी उहाँ से पीएम के एयरपोर्ट पs खड़ा होके फोटो खींचले। दुनु जने कवनो ना कवनो न्यूज चैनल में काम करत रहले।
मामिला एक अप्रैल के बा, जब प्रधानमंत्री मोदी मुंबई गईल रहले। एs मामिला के लेके शिकायत फ्लैट मालिक अवुरी रिक्शा खींचे वाला महेश पटेल (61 साल) के ओर से दिहल गईल। पुलिस 3 अप्रैल के कहलस कि शिकायतकर्ता के कहनाम बा कि दुनो पत्रकार छत्रपति शिवाजी महाराज अंतर्राष्ट्रीय हवाई अड्डा के नजदीक पेवाड़ी एसआरए सोसाइटी के 11वां मंजिल पs उनुका फ्लैट में जबरन घुस गईल रहले, जहां से उs लोग पीएम के वीडियो बनवले रहले।
महेश अपना बयान में कहले कि दुनो आरोपी उनुका के बतवले कि पीएम के वीडियो शूट करे खातीर हाउसिंग सोसाइटी के सचिव अवुरी सुरक्षा रक्षक से अनुमति मिलल बा। एकरा बाद दुनु जाना महेश के धक्का देके फ्लैट में घुस गईले। दुनो लोग 15 मिनट ले फ्लैट के खिड़की से प्रधानमंत्री मोदी अवुरी उनुका निजी हवाई जहाज के तस्वीर खींचले।
एगो पुलिस अधिकारी बतवले कि दुनो पत्रकार के खिलाफ विले पार्ले थाना में भारतीय दंड संहिता (आईपीसी) धारा 448 (बिना अनुमति के प्रवेश), 188 (सार्वजनिक अधिकारी के आदेश के ना माने) अवुरी 323 (जान बूझके चोट पहुंचावे) के तहत मामिला दर्ज भईल बा ) आ 34 के तहत केस दर्ज भइल। हालांकि अबे ले केहु के गिरफ्तारी नईखे भईल।
