संगीत :यायावरी वाया भोजपुरी के यूट्यूब चैनल पs रिलीज होई गजल ' काल्ह के बात'

ईश्वर ब्रिज फाउंडेशन के माटी परियोजना के अंतर्गत यायावरी वाया भोजपुरी के अगिला गीत के प्रस्तुति में रउरा सभे सुनि एगो बेहतरीन गज़ल "काल्ह के बात "

एह गज़ल के लिखलेे बानी भोजपुरिया माटी के अजगूत साहित्यकार स्व. पाण्डेय कपिल । ई एह प्रोडक्शन हाउस के दुसरका भोजपुरी गज़ल के प्रस्तुति हs ।

गज़ल के आपन आवाज देलेे बाड़े धनंजय आजाद, एह गीत के कंपोज नवहा संगीतकार,गीतकार आ गायक आदित्य राजन कइले बाड़े।

एह गीत के पोस्टर आजु यायावरी वाया भोजपुरी के सब सोशल मीडिया प्लेटफार्म पs रिलीज कईल गइल हs। गीत काल्ह सांझी के 4 बजे यूट्यूब पs रिलीज होई । एह में मुख्य कलाकार के रूप में धनंजय आजाद, सन्नी देव आ राहुल बीड बाड़े।

संगीत सुशांत देव आ मिक्स मास्टर के जिम्मा रवि विश्वकर्मा के बा। सिनमेटोग्राफी SMP Photography Ranchi आ DOP रोहित कुमार सिंह कइले बाड़े।

समय के बदलल चाल पs लेखक भोजपुरी के खांटी शब्दन के बड़ा सुनर तरीका से गजल के माला में गुंथले बाड़े ओहिजे नया कम्पोजिशन आ संगीत दर्शकन के जरूरे लुभाई आ लोग पसsन करिहें।