Maharasthra: कर्नाटक के बाद महाराष्ट्र में भगवान पs राजनीति, शरद वाला NCP के नेता कहले- राम शाकाहारी ना हउऐं....

श्रीकांत पुजारी के गिरफ्तारी के लेके राजनीतिक हंगामा रुके के कवनो संकेत नईखे देखाई देत। एह सब के बीच शरद पवार के एनसीपी नेता डॉ. जितेंद्र आव्हाड एगो नया विवाद पैदा कईले। उ भगवान राम के मांसाहारी बतवले बाड़े।

बुध के दिने महाराष्ट्र के शिरडी में भइल एगो कार्यक्रम में आव्हाड कहलन कि भगवान राम शाकाहारी ना हउवन, ऊ मांसाहारी हउवन। कहलन कि 14 साल जंगल में रहे वाला आदमी शाकाहारी खाना खोजे कहाँ जाई? उ जनता से सवाल करत कहले कि इ सही बा कि ना?

उ कहले कि केहु जवन कहे, सच्चाई इs बा कि हमनी के आजादी खाली गांधी अवुरी नेहरू के चलते मिलल। एतना बड़ स्वतंत्रता आंदोलन के नेता गांधीजी के ओबीसी रहला के बात ओह लोग (आरएसएस) के स्वीकार्य नइखे। आगे उs कहले कि गांधीजी के हत्या के पीछे असली कारण जातिवाद रहे।

साभार- अमर उजाला