NEET UG Counselling: नीट यूजी के लेके बड़ खबर, आगे बढ़ी काउंसलिंग के तारीख- सूत्र

नीट यूजी काउंसलिंग शुरू होखे के इंतजार करत विद्यार्थियन खातिर एगो बड़हन खबर बा. सूत्र के मुताबिक आज से यानी 6 जुलाई से होखे वाला नीट यूजी काउंसलिंग के तारीख बढ़ावल जाई। फिलहाल काउंसलिंग के संबंध में अबे ले अधिसूचना जारी नईखे भईल (सुप्रीम कोर्ट में सुनवाई के दौरान एनटीए 6 जुलाई से काउंसलिंग के बात कईले रहे, जवना के सुप्रीम कोर्ट ना रोकलस)। फिलहाल 8 जुलाई के सुप्रीम कोर्ट में होखे वाला सुनवाई पs संबंधित विभाग अवुरी मंत्रालय के नजर भी बा।

बता दीं कि निर्धारित कार्यक्रम के अनुसार NEET UG काउंसलिंग आज से यानी 6 जुलाई से शुरू होखे वाला रहे। सूत्र से मिलल जानकारी के मुताबिक अब काउंसलिंग के तारीख बढ़ावल जाई। हालांकि अबे ले नया तारीख के घोषणा नईखे भईल, जवन कि जल्दिए पूरा होखे के उम्मेद बा। शिक्षा मंत्रालय जल्दिए नया तारीख के घोषणा करी।