उत्तर कोरिया कइलस बेहद घातक मिसाइल के परीक्षण, बढ़ गईल दुनिया के देश के टेंशन

उत्तर कोरिया के नेता किम जोंग उन के मिसाइल से प्यार के बारे में तs सभे जानत बा। उत्तर कोरिया में मिसाइल के परीक्षण जारी बा. एही बीच एह तरह के मिसाइल के परीक्षण उत्तर कोरिया कइले बा जवना से दुनिया भर के बहुते देशन के तनाव बढ़ गइल बा. उत्तर कोरिया मंगल के दिने कहलस कि ऊ एगो नया सामरिक बैलिस्टिक मिसाइल के परीक्षण कइले बा जवन एगो विशाल वारहेड ले जाए में सक्षम ई मिसाइल बेहद घातक बा आ तबाही मचावे में सक्षम बा.

एही कारन से मिसाइल के परीक्षण कईल गईल

अमेरिका के नेतृत्व में आवे वाला खतरा से निपटे खातिर उत्तर कोरिया लगातार अपना हथियार के अपग्रेड करे पs जोर देत बा. उत्तर कोरिया के आधिकारिक कोरियाई केंद्रीय समाचार एजेंसी एह हथियार के ‘ह्वासोंगफो-11डीए-4.5’ बतवले बिया जवन 4.5 टन के बड़हन वॉरहेड ले जाए में सक्षम बा. उs कहले कि सोमार के भईल परीक्षण एकर उड़ान स्थिरता अवुरी अधिकतम 500 किलोमीटर ले पहुंचे के क्षमता के पुष्टि करे खातीर भईल बा।

उत्तर कोरिया फेर से परीक्षण करी 

केसीएनए ई ना बतवलस कि ई नया मिसाइल कहाँ से चलावल गइल आ कहाँ गिरल. केसीएनए उत्तर कोरिया के मिसाइल प्रशासन के हवाला से कहलस कि उत्तर कोरिया 250 किलोमीटर के मध्यम दूरी के ध्यान में राखत जुलाई में फेरू एह मिसाइल के परीक्षण करी. ई लॉन्च ओह घरी भइल बा जब एह क्षेत्र में दक्षिण कोरिया, अमेरिका आ जापान के बीच त्रिपक्षीय अभ्यास ‘फ्रीडम एज’ दू दिन पहिले खतम हो गइल रहे.

तनाव के स्थिति 

बता दीं कि दक्षिण कोरियाई सेना एहसे पहिले कहले रहुवे कि उत्तर कोरिया सोमार के दिने अपना दक्षिण पश्चिमी शहरन में से एगो शहर से उत्तर पूर्वी दिशा में दू गो बैलिस्टिक मिसाइल छोड़ दिहलस. उs कहले कि पहिला मिसाइल 600 किलोमीटर (370 मील) अवुरी दुसरकी मिसाइल 120 किलोमीटर (75 मील) के रेंज में रहे। उनुकर कहनाम बा कि उत्तर कोरिया के कार्रवाई के चलते कोरियाई प्रायद्वीप पs तनाव के स्थिति बा।