October Holidays 2024: अक्तूबर से सुरू हो रहल बा छुट्टियन के सीजन, गांधी जयंती से दिवाली तक स्कूल रही बंद

School Holidays in October 2024: अक्तूबर के महीना बहुत सारा छुट्टी लेके आवेला। छात्र आ अभिभावक आवे वाला स्कूल के छुट्टियन खातिर उत्साहित रहेला। ई महीना छुट्टियन आ त्यौहारन से भरल बा, जवना से छात्रन के अपना पढ़ाई से बहुत जरूरी ब्रेक मिल रहल बा। छात्र अपना घरन में बइठके भा सड़कन पs घूमके अंतहीन त्योहारन के आनंद ली लो। दु अक्तूबर के गांधी जयंती से सुरू होके छुट्टियन के सूची दिवाली तक चली।

एह महीना में गांधी जयंती, दुर्गा पूजा, वाल्मीकि जयंती, लक्ष्मी पूजा आ दिवाली के छुट्टी होई। एह दिनन स्कूल बंद रही, जवना से परिवार अलग-अलग सांस्कृतिक कार्यक्रमन आ अनुष्ठानन में भाग ले सकी लो।

गांधी जयंती अवकाश

महीना के सुरुआत 2 अक्तूबर 2024 के गांधी जयंती से होई, 2 अक्तूबर के गांधी जयंती मनावल जाई। एह दिन अधिकांश सरकारी कार्यालय, स्कूल आ बेवसाय बंद रही। ई दिन मोहनदास करमचंद गांधी उर्फ महात्मा गांधी के जयंती बा, जे अपना आखिरी सांस तक भारत के आजादी खातिर लड़ाई लड़ल।

दुर्गा पूजा अवकाश

महा नवमी नवरात्रि के नव दिवसीय उत्सव के अंतिम दिन हs। एह  दिन देवी दुर्गा के अलग-अलग रूपन के पूजा कइल जाला 12 अक्टूबर 2024 के एह शुभ अवसर के मनावे खातिर स्कूल बंद रही।

दशहरा पs स्कूल के छुट्टी 

दशहरा बुराई पs अच्छाई के जीत के प्रतीक के रूप में मनावल जाला, माने भगवान राम राक्षस राजा रावण पs विजय प्राप्त कइले। हिंदू कैलेंडर के अनुसार, ई अश्विन भा कार्तिक महीना के दसवां दिन पड़ेला। एह दिन माने 13 अक्तूबर, 2024 के स्कूल आ कॉलेज बंद रही, जवना से छात्रन के अपना परिवारन के संगे उत्सव के आनंद लेवे के अवसर मिली।

वाल्मीकि जयंती पs विद्यालय में अवकाश

बियफे 17 अक्तूबर, 2024 के वाल्मीकि जयंती आ लक्ष्मी पूजा (बंगाली) खातिर स्कूल बंद रही। वाल्मीकि जयंती ऋषि वाल्मीकि के जन्म के जश्न मनावल जाला, जे महाकाव्य रामायण लिखले रहस। स्कूल अक्सर छात्रन के उनका जिनगी आ जोगदान के बारे में बतावे खातिर कार्यक्रम आयोजित करत बा।

लक्ष्मी पूजा बंगाली परिवारन खातिर एगो महत्वपूर्ण त्योहार हs, जवना में धन के देवी लक्ष्मी के पूजा कइल जाला। एह दिन लोग घर पs विशेष पूजा आ अनुष्ठान करेला लो।

दिवाली पs विद्यालय में अवकाश

दिवाली, रोशनी के त्योहार, हिंदू धर्म में सबसे महत्वपूर्ण त्हायोरन में से एगो हs। ई रावण के हरावे के बाद भगवान राम के अयोध्या लवटला के इयाद में मनायवल जाला। एह साल ई त्हायोर 31 अक्तूबर, 2024 के मनावल जा रहल बा।