ओलंपिक: 26 जुलाई से सुरु होंइ पेरिस में ओलंपिक

पेरिस ओलंपिक आयोजन समिति 8 मार्च के पूरा दुनिया के आधिकारिक तौर पs एलान कइलस कि 26 जुलाई के स्थानीय समय के हिसाब से साँझ साढ़े सात बजे पेरिस ओलंपिक खेलन के बहुप्रतीक्षित उद्घाटन समारोह सुरू होखी। ओह घरी पेरिस डेलाइट सेविंग टाइम में होई आ बीजिंग के साथे समय के अंतर 6 घंटा के होई। मतलब कि चीनी दर्शक 27 जुलाई के सबेरे 1:30 बजे सीन नदी पs पेरिस ओलंपिक के उद्घाटन समारोह के आनंद ले सकेलें।

जइसन कि पेरिस ओलंपिक आयोजन समिति के परिकल्पना कइल गइल बा कि उद्घाटन समारोह के सुरुआत सीन नदी के किनारे धीरे धीरे डूबत सूरज के रोशनी में होखी. पेरिस ओलंपिक खेलन में प्रतिस्पर्धा करे वाला एथलीटन के ऑस्टरलिट्ज़ ब्रिज के पार पूरब से पश्चिम ले क्रूज जहाज पs ले जाइल जाई। इs क्रूज जहाज एफिल टावर के सामने ट्रोकाडेरो स्क्वायर ले 6 किलोमीटर के दूरी तय करी। ओहिजा एगो उत्सव समारोह में एथलीट भाग लीहें।

खबर बा कि पेरिस ओलंपिक खेल 26 जुलाई से 11 अगस्त ले स्थानीय समय पs होखी आ पेरिस पैरालंपिक खेल 28 अगस्त से 8 सितंबर ले होखी।