केरल के पटाखा गोदाम में भीषण ब्लास्ट से एगो के मउत, 16 घायल; दहल गइल लोग

जिला के त्रिपुनिथुरा में सोमार के दिने एगो आवासीय इलाका में चलत एगो अवैध पटाखा गोदाम में भइल एगो बड़हन विस्फोट में एक आदमी के मउत हो गइल। एकरा संगे महिला अवुरी बच्चा समेत कुल १६ जने लोग घाही होखे के बात कहल जाता। पुलिस एs पूरा घटना के जानकारी देले बिया। पुलिस के मुताबिक, घाही चार लोग के हालत गंभीर होखे के खबर बा अवुरी उनुका के विशेषज्ञ के देखभाल खातीर नजदीक के अस्पताल से कलामासेरी मेडिकल कॉलेज अस्पताल पहुंचावल गईल।

गोदाम में भारी मात्रा में पटाखा रहे

जिला प्रशासन के कहनाम बा कि मरेवाला के पहचान तिरुवनंतपुरम निवासी विष्णु के रूप में भईल बा, लेकिन बाकी जानकारी उपलब्ध नईखे। विस्फोट के सही कारन अबे ले पता नईखे चलल, लेकिन मउका पs पहुंचल फायर ब्रिगेड अवुरी बचावकर्मी के कहनाम बा कि गोदाम में ले आवल गईल भारी मात्रा में पटाखा के एक संगे विस्फोट होखे के संभावना बा।

कई किलोमीटर ले कंपन महसूस भईल

फायर एंड रेस्क्यू विभाग के एगो वरिष्ठ अधिकारी बतवले कि इs एगो बड़ विस्फोट रहे, जवना के चलते कई किलोमीटर दूर कंपन महसूस भईल। उs बतवले कि स्थानीय फायर स्टेशन पs भी कंपकंपी महसूस भईल अवुरी उs लोग विस्फोट के तेज आवाज़ से चिंतित होके मौका पs पहुंचले। अधिकारी बतवले कि जल्दिए आग पs काबू हो गईल, लेकिन ओकरा से पहिले भी आसपास के इलाका में भारी नुकसान भईल बा।

विस्फोट के कारण के बारे में कवनो जानकारी नईखे मिलल

दमकल विभाग के सहायक स्टेशन अधिकारी कहले कि, हमनी के कवनो जानकारी ना रहे कि ए घना आबादी वाला इलाका में पटाखा गोदाम चलावल जाता। एकरा के चलावे वाला लोग एकरा खातीर कवनो अनुमति ना लेले रहले।” विस्फोट के सही कारण अभी तक पता नईखे चलल साफ करत उ कहले कि उ लोग स्थानीय लोग के दिहल जानकारी पs भरोसा करतारे, जवना के कहनाम बा कि दुर्घटना तब भईल जब गाड़ी से पटाखा गोदाम में उतारल जाता।

विस्फोट से बहुत घर के नुकसान पहुंचल बा

अधिकारी बतवले कि, स्थानीय लोग के कहनाम बा कि, इलाका में गोदाम के संचालन कुछ समय से चलत रहे अवुरी स्थानीय मंदिर महोत्सव के तहत पटाखा के संग्रहण कईल गईल रहे। हमनी के अयीसन विवरण के सत्यापन करे के होई। लेकिन, अभी तक हमनी के लगे एकरा संचालन के बारे में कवनो जानकारी ना रहे।” एही बीच इलाका के हिलावे वाला अप्रत्याशित विस्फोट के असर से स्थानीय निवासी अबे ले डगमगात बाड़े। इलाका के कई गो दू मंजिला इमारतन के छत गंभीर रूप से क्षतिग्रस्त पावल गइल। विस्फोट के असर के चलते बहुत घर के दरवाजा-खिड़की उड़ गईल अवुरी पास में खड़ा गाड़ी के गिरल ईंट-खपड़ा से नुकसान पहुंचल।