पाकिस्तान में कराची एयरपोर्ट के लगे टैंकर में धमाका, 2 लोगन के मउत, कई गो घायल

पाकिस्तान के कराची हवाई अड्डा के बहरी भइल एगो बड़हन विस्फोट में दू लोग के मउत हो गइल आ 6 लोग घवाहिल हो गइल.पुलिस अवुरी सरकार के कहनाम बा कि एयरपोर्ट के बहरी एगो टैंकर विस्फोट हो गईल। आत्मघाती हमला के आशंका बा। गृहमंत्री जिया उल हसन स्थानीय टीवी स्टेशन जियो से कहले कि इs विदेशी लोग के निशाना बनावत हमला हs। गृह मंत्रालय के एगो अधिकारी एसोसिएटेड प्रेस के बतवले कि इs चीनी नागरिक पs हमला हs, जवना में से एगो घाही हो गईल बा। उs आपन नाम ना बतावे के शर्त पs बात कईले, काहेंकी उनुका के मीडिया से बात करे के इजाजत ना रहे।

उs कहले कि फिलहाल हमनी के विस्फोट के प्रकृति अवुरी कारण के पता लगावत बानी अवुरी एकरा में समय लागेला। उs बतवले कि घाही में पुलिस अधिकारी भी शामिल बाड़े। गृहमंत्री अवुरी महानिरीक्षक भी विस्फोट स्थल के दौरा कईले, बाकिर प्रेस से बात ना कईले। सिविल एविएशन विभाग में काम करेवाला राहत हुसैन बतवले कि विस्फोट एतना बड़ रहे कि एयरपोर्ट के भवन हिल गईल।

हजारन चीनी मजदूर पाकिस्तान में बाड़े जवना में से अधिकतर बीजिंग के अरबों डॉलर के बेल्ट एंड रोड पहल से जुड़ल बाड़े जवन दक्षिण आ मध्य एशिया के चीनी राजधानी से जोड़त बा. गाड़ी में आग के लपट अवुरी धुआं के मोट बादल देखाई देता। घटना स्थल पs भारी सैन्य तैनाती भईल रहे, जवना के घेराबंदी भईल रहे।