पाकिस्तान लॉन्च कइलस स्वदेशी सैटेलाइट, हो गइल ट्रोल, यूजर्स बोलले- पानी के टंकी…

पाकिस्तान के पहिला स्वदेशी सैटेलाइट EO-1 लॉन्च होखते सोशल मीडिया पs मजाक के विषय बन गईल बा। दरअसल पाकिस्तान आपन पहिला स्थानीय रूप से विकसित इलेक्ट्रो-ऑप्टिकल (EO-1) सैटेलाइट बियफे (17 जनवरी) के लॉन्च कइलस। पाकिस्तान चीन के जिउक्वान सैटेलाइट लॉन्च सेंटर से लॉन्च कईले बा, लेकिन एs उपग्रह के लॉन्च भईला के तुरंत बाद लोग सोशल मीडिया पs एकरा के ट्रोल करे लगले। लोग एह उपग्रह के तुलना 'पानी के टैंकर' से कर रहल बा। सगरी सोशल मीडिया प्लेटफार्म पs एह उपग्रह के बारे में मीम आ चुटकुला के बरखा हो गइल बा.

पाकिस्तान के पहिला स्वदेशी सैटेलाइट के बारे में शरीफ लिखले कि, 'ईओ-1 फसल के पैदावार के भविष्यवाणी से लेके शहरी विकास के निगरानी ले के सफर में एगो क्वांटम छलांग बा। “SUPARCO के नेतृत्व में बनल ई उपग्रह अंतरिक्ष विज्ञान आ तकनीक में हमनी के देश के बढ़त क्षमता के देखावत बा.” एकरा अलावे उs सभ वैज्ञानिक अवुरी इंजीनियर के बधाई भी देले।

एकरा संगे पाकिस्तान के उपप्रधानमंत्री अवुरी विदेश मंत्री इशाक डार भी सभके बधाई देत एगो पोस्ट शेयर कईले। आ एह प्रक्षेपण के पाकिस्तान खातिर एगो महत्वपूर्ण उपलब्धि आ अंतरिक्ष विज्ञान में पाकिस्तान के बढ़त क्षमता के सबूत बतवले.

जइसहीं पाकिस्तान के पीएम शाहबाज शरीफ एह उपग्रह के फोटो सोशल मीडिया पs शेयर कइलन तss लोग एकरा के ट्रोल करे लागल. सोशल मीडिया यूजर एह उपग्रह के तुलना पानी के टैंकर से कs के मजाक उड़ावे लगले।