दिल्ली में वोट देवे वाला लोग के मुफ्त बाइक राइड मिली, जानी जानता के का करे के बा

लोकसभा चुनाव 2024 : लोकसभा चुनाव के छठवाँ चरण में 25 मई के दिल्ली के सातों सीट प मतदान होखे वाला बा। वोट के गिनती 4 जून के होई। दिल्ली में लोकसभा के सात सीट खातिर 162 उम्मीदवार मैदान में बाड़े।

ऑनलाइन बाइक-टैक्सी बुकिंग के सुविधा देवे वाली कंपनी रैपिडो दिल्ली में चुनाव के दिन पात्र मतदाता के मुफ्त राइड दिही। रैपिडो बाइक के माध्यम से मतदाता के मतदान के दिन मतदान केंद्र से अपना घर तक मुफ्त बाइक सवारी दिहल जाई। दिल्ली के मुख्य निर्वाचन अधिकारी (सीईओ) के कार्यालय आ रापिडो के बीच समझौता भइल बा। दिल्ली में रैपिडो के आठ लाख बाइक ड्राइवर बाड़े आ सब्सक्राइबर 80 लाख के करीब बाड़े।

एह तरह से रैपिडो से राइड बुक करीं

मतदान के दिन मतदाता आपन वोट डालला के बाद रैपिडो ऐप के इस्तेमाल क के आसानी से बाइक बुक क सकतारे। बाइक बुक करे खातिर रउरा फोन में रैपिडो ऐप होखे के चाही। जदी रउरा फोन में इ ऐप नइखे त एकरा के डाउनलोड करीं। आपन वोट डालला के बाद एप्प प जाके बाइक बुक क सकतानी।

छठवाँ चरण के लोकसभा चुनाव में 25 मई के दिल्ली के सातों सीट प मतदान होखे वाला बा। वोट के गिनती 4 जून के होई। अइसने में दिल्ली के मुख्य निर्वाचन अधिकारी (सीईओ) के कार्यालय आ रैपिडो के बीच ए समझौता प हस्ताक्षर भइल बा। दिल्ली के सीईओ एगो बयान जारी क कहलन कि उनकर मकसद नागरिकन के वोट देबे खातिर प्रोत्साहित कइल बा ।

दिल्ली के मुख्य निर्वाचन अधिकारी पी कृष्णमूर्ति कहले कि, मतदान के दिन मुफ्त बाइक यात्रा के विकल्प देके हमनी के लक्ष्य बा कि मतदान के अनुभव के आसान बनावल जाए आ नागरिक के मतदान के प्रयोग करे आ लोकतांत्रिक प्रक्रिया में योगदान देवे खाती प्रोत्साहित कइल जाए "हर वोट के गिनती होखेला आ इ जरूरी बा कि... सुनिश्चित करीं कि हर पात्र मतदाता बिना कवनो बाधा के आपन वोट दे सके ।"

राष्ट्रीय राजधानी में 'भारत' गठबंधन आ भाजपा के बीच सीधा मुकाबला बा।

बता दीं कि पहिले रउवा 'राइड रिस्पांसिबिलिटी' पहल के तहत कर्नाटक में मतदान के दिन दिव्यांग आ सीनियर सिटीजन मतदाता के रापिडो मुफ्त बाइक टैक्सी, ऑटो आ कैब के इंतजाम कइले रहे।