PM मोदी लॉन्च कइले 90 रुपिया के सिक्का

बैंकिंग नियामक आरबीआई आजु 90 साल के हो गइल. रिजर्व बैंक के 90 साल पूरा होखला पs प्रधानमंत्री मोदी 90 रुपिया के स्मारक सिक्का जारी कईले बाड़े। बता दीं, देश में पहिला बेर 90 रुपिया के सिक्का जारी भईल बा। एह सिक्का के खासियत ई बा कि ई शुद्ध चाँदी से बनल होला। एकरा अलावे एकरा में 40 ग्राम चांदी के इस्तेमाल भईल बा। 90 रुपिया के चांदी के सिक्का के एक ओर बैंक के लोगो अवरू दूसरा ओर 90 रुपिया के मूल्य के लिखल बा।

साथही भारत के दाहिना ओर हिंदी में आ बाईं ओर अंग्रेजी में लिखल जाई. एकरा एक ओर आरबीआई के लोगो अवुरी ऊपरी परिधि पs भारतीय रिजर्व बैंक के हिंदी अवुरी निचला परिधि पs अंग्रेजी में लिखल होई। लोगो के नीचे RBI @ 90 लिखल जाई।

इs सिक्का 40 ग्राम के बा

भारत सरकार के टकसाल में बनल एह 90 रुपिया के सिक्का के वजन 40 ग्राम होई जवन 99.9 प्रतिशत शुद्ध चांदी से बनल बा। बता दीं कि एकरा से पहिले भी 1985 में रिजर्व बैंक के स्वर्ण जयंती अवुरी 2010 में रिजर्व बैंक के प्लैटिनम जयंती पs स्मारक सिक्का जारी भईल बा।

कवना दाम पs सिक्का बेचल जाई?

90 रुपिया के एs सिक्का के लॉन्च के बाद एकरा के फेस वैल्यू से जादा प्रीमियम पs बेचल जाई। खबर के मुताबिक एs सिक्का के अनुमानित कीमत 5200 से 5500 रुपिया के आसपास होखे के संभावना बा। देश भर के बैंक कर्मचारी समेत सिक्का संग्रह करेवाला लोग में एs सिक्का के लेके बहुत उत्साह बा। 19 मार्च 2024 के भारत सरकार के वित्त मंत्रालय के आर्थिक मामिला विभाग भी एह सिक्का के रिलीज खातिर राजपत्र अधिसूचना जारी कइले रहे।

#WATCH | Mumbai | PM Modi releases a commemorative coin on the 90th anniversary of the Reserve Bank of India pic.twitter.com/C2tja3tKWn

— ANI (@ANI) April 1, 2024

पीएम मोदी आरबीआई के काम के तारीफ कईले

आरबीआई के 90 साल के काम के बात करत प्रधानमंत्री नरेंद्र मोदी कहले कि देश के बैंकिंग प्रणाली के मजबूत राखे में आरबीआई के भूमिका बहुत महत्वपूर्ण अवुरी बड़ रहल बा। आरबीआई जवन काम करेले ओकर सीधा असर देश के आम जनता के वित्त पs पड़ेला। वित्तीय समावेश के फायदा अंतिम मील पs खड़ा लोग लो पहुंचावे में आरबीआई के अहम भूमिका रहल बा।