PM Modi: प्रधानमंत्री मोदी दु दिवसीय दौरा पs कुवैत रवाना, 43 बरिसन में कवनो भारतीय पीएम के पहिला दौरा

भारतीय प्रधानमंत्री नरेंद्र मोदी कुवैत के दु दिवसीय दौरा पs रवाना हो गइल बाड़ें। प्रधानमंत्री कुवैत के शेख मेशाल अल अहमद अल जबार अल सबाह के बुलावा पs कुवैत गइल बाड़ें। ई बीतल 43 बरिसन में कवनो भारतीय प्रधानमंत्री के पहिला कुवैत दौरा हs। कुवैत रवाना होखे से पहिले सोशल मीडिया पs साझा एगो पोस्ट में पीएम मोदी लिखलें कि 'भारत आ कुवैत खाली बेयपार आ ऊर्जा साझेदार बा, बलुक पश्चिम एशिया में शांति, सुरक्षा आ इस्थिरता में साझा रुचि बा। हमनी के कुवैत के संगे ऐतिहासिक संबंधन के बहुत महत्व देवेनी सs, जवन पीढ़ियन से चलल आ रहल बा।

#WATCH दिल्ली: प्रधानमंत्री नरेंद्र मोदी कुवैत के लिए रवाना हुए।
प्रधानमंत्री नरेंद्र मोदी कुवैत राज्य के अमीर शेख मेशल अल-अहमद अल-जबर अल-सबा के निमंत्रण पर कुवैत की दो दिवसीय यात्रा पर हैं। यह 43 वर्षों में किसी भारतीय प्रधानमंत्री की कुवैत की पहली यात्रा होगी। pic.twitter.com/aZU8O861dL
— ANI_HindiNews (@AHindinews) December 21, 2024

प्रधानमंत्री लिखलें कि एह दौरा से दुनो देसन के संबंध आउर मजबूत होई। प्रधानमंत्री कुवैत के अमीर, युवराज आ प्रधानमंत्री से मुलाकात करिहें। आज कुवैत पहुंचला के बाद पीएम मोदी सांझी खा भारतीय मूल के लोगन से मुलाकात करिहें। कुवैत में पीएम मोदी अरैबियन गल्फ कप के उद्घाटन समारोह में सामिल होइहें।