Rojgar Mela: आज एक लाख से जादे नियुक्ति पत्र बंटिहे PM नरेंद्र मोदी, कर्मयोगी भवन के रखिहें आधारशिला
प्रधानमंत्री नरेंद्र मोदी सोमार के वीडियो कॉन्फ्रेंसिंग के माध्यम से सरकारी विभागन आ संगठनन में भर्ती एक लाख से जादे नवहन के नियुक्ति पत्र बंटिहे। पीएम एह अवसर पs नई दिल्ली में एकीकृत परिसर ‘कर्मयोगी भवन’ के पहिला चरण के आधारशिला रखिहें।
ई परिसर मिशन कर्मयोगी के अलग-अलग हिस्सन के बीच सहजोग आ तालमेल के बढ़ावा दिही। पीएम मोदी सोमार के सबेरे 10:30 बजे नियुक्ति पत्र वितरित करिहें। रोजगार मेला देसभर में 47 स्थानन पs आयोजित कइल जाई। एक पहल के तहत केंद्र सरकार के विभागन में भरती हो रहल बा आ राज्य/केंद्र शासित प्रदेश एह पहल के समर्थन कs रहल बा।
नवनियुक्त युवा अलग-अलग मंत्रालयन/विभागन जइसन राजस्व विभाग, गृह मंत्रालय, उच्च शिक्षा विभाग, परमाणु ऊर्जा विभाग, रक्षा मंत्रालय, वित्तीय सेवा विभाग, स्वास्थ्य एवं परिवार कल्याण मंत्रालय, जनजातीय मामलन के मंत्रालय आ रेलवे मंत्रालय में अलग-अलग पदन पs भरती होई।