Chhapra News: कर्त्तव्य में लापरवाही के आरोप में पुलिस पदाधिकारी के एसपी कइलें निलंबित
छपरा। सारण एसपी दोषी पुलिसकर्मियन पs लगातार कार्रवाई कs रहल बाड़ें। दिघवारा थाना में पदस्थापित ASI पs कार्रवाई करत एसपी ASI के निलंबित कs दिहल गइल बा। दिघवारा थाना में पदस्थापित स.अ.नि श्रीनारायण प्रसाद गुप्ता के प्रतिनियुक्ति पीरगंज चौक पs रात के आठ बजे से सबेरे आठ बजे तक बालू से लदल ट्रकन आ भारी वाहनन के दरियापुर/परसा के ओर जाये से रोके खातिर कइल गइल रहे, बाकिर ड्यूटी के दौरान लापरवाही में कार्रवाई कइल गइल बा।
रात्रि गश्ती आ छापेमारी के क्रम में दिघवारा थानाध्यक्ष के ओर से जांच करे पs पावल गइल कि पीरगंज चौक पs ड्यूटी में तैनात सअनि श्रीनारायण प्रसाद गुप्ता आराम से कुरसी पs बइठल बाड़ें। इनका ओर से बालू से लदल ट्रकन आ भारी वाहनन के दरियापुर/परसा के ओर जाये से रोके खातिर कवनो प्रयास नइखे कइल जात। जवन इनका कर्तव्य के प्रति घोर लापरवाही, आदेशोल्लंघन, स्वेच्छाचारिता, मनमानेपन आ संदिग्ध आचरण के परिलक्षित करत बा।
पुलिस अधीक्षक सारण के ओर से दोषियन के विरुद्ध जीरो टॉलरेंस नीति के पालन करत सअनि श्रीनारायण प्रसाद गुप्ता दिघवारा थाना के तत्काल प्रभाव (दिनांक-16.09.24) से सामान्य जीवन यापन भत्ता पs निलंबित करत पुलिस केंद्र सारण वापस कइल गइल बा आ तीन दिनन के भीतर उक्त आरोप के संदर्भ में स्पष्टीकरण समर्पित करे के आदेस दिहल गइल बा।