लखनऊ एयरपोर्ट पs रेडियोएक्टिव मटेरियल लीक, 2 गो कर्मचारी बेहोश; खाली करावल गइल 1.5 किमी के एरिया
लखनऊ हवाई अड्डा के कार्गो टर्मिनल पs शनिचर के एगो बड़ घटना भईल, जवना में कैंसर पैदा करेवाला रेडियो एक्टिव मटेरियल लीक हो गईल। घटना के दौरान सुरक्षा उपकरण के अलार्म बाजते ही दहशत मच गईल। एनडीआरएफ अवुरी एसडीआरएफ के तुरंत सूचना दिहल गईल, जवना के बाद तुरंत इलाका के खाली कs दिहल गईल। 2 कर्मचारी बेहोश हो गईले। डेढ़ किलोमीटर के इलाका खाली कs दिहल गइल. लोग के प्रवेश रोक दिहल गइल बा.
सूत्र के मुताबिक एगो फ्लाइट लखनऊ से गुवाहाटी खातिर रवाना होखे वाला रहे, जब टर्मिनल 3 पs स्कैनिंग के दौरान मशीन बीप कईलस। कैंसर रोधी दवाई लकड़ी के बक्सा में पैक कईल गईल रहे, जवना में रेडियोधर्मी तत्व के इस्तेमाल कईल जाला। स्कैनिंग के दौरान रेडियोधर्मी सामग्री के रिसाव के पता चलल, जवना के चलते अलार्म लगावल गईल।
घटना के तुरंत बाद सुरक्षा एजेंसी कार्रवाई में उतर गईल अवुरी एनडीआरएफ अवुरी एसडीआरएफ के मौका पs बोलावल गईल। सुरक्षा के देखत इलाका के खाली करा के प्रभावित लोग के ओहिजा राखल गईल। यात्रियन के सुरक्षित जगहा भेज दिहल गइल बा आ मामिला के छानबीन हो रहल बा.