जर गइल राजेश खन्ना-मुमताज के 'जय-जय शिव शंकर' वाला 109 साल पुराना मंदिर, ऊपरी हिस्सा जर के भइल खाक
बॉलीवुड के पहिला सुपरस्टार राजेश खन्ना कई गो सुपरहिट फिलिम दे चुकल बाड़न. ‘आप की कसम’ राजेश खन्ना के कई गो ब्लॉकबस्टर फिलिमन में से एगो हs. मुमताज के एह फिलिम में राजेश खन्ना के साथे देखल गइल. अब राजेश खन्ना के ‘आप की कसम’ के कहानी याद करेके भा ना, बाकिर एह ब्लॉकबस्टर फिलिम के ‘जय जय शिव शंकर, काँटा लागे ना कनकर’ गाना सभका याद बा. एह गीत के बोल पुरनका पीढ़ी के ना, नया पीढ़ी के दिल आ दिमाग में बस गइल बा। गीत के बोल जइसहीं दिमाग में आवेला, ओह पहाड़ी आ शिव मंदिर के नजारा भी याद आ जाला, जवना के झलक एह गीत में लउकत बा। एह मशहूर गीत के शूटिंग गुलमार्ग के ‘मोहिनेश्वर’ मंदिर में भइल जवना के ‘रानी का मंदिर’ के नाम से भी जानल जाला।
गुलमार्ग स्थित मोहिनेश्वर मंदिर में आग लागल
ई मंदिर विश्व प्रसिद्ध स्की रिसार्ट गुलमर्ग में स्थित बा। बाकिर, हाल ही में एह मंदिर के बारे में एगो बुरा खबर आईल। एह मशहूर मोहिनेश्वर मंदिर में बुध के साँझ अचानक आग लाग गइल. मंदिर में आग अतना भयावह रहे कि कुछ ही समय में मंदिर के अधिकांश हिस्सा बहुत जर के क्षतिग्रस्त हो गईल।
मोहिनेश्वर मंदिर में आग कईसे लागल?
‘मोहिनेश्वर’ शिव मंदिर में ई भयावह आग कइसे लागल, एकर अबले कवनो जानकारी नइखे मिलल. हालांकि आग लगला के खबर मिलला के बाद दमकल के गाड़ी कुछ समय में मौका पs पहुंच गईल अवुरी आग पs काबू पावे के कोशिश शुरू कs देले। घटना के बाद पुलिस मामला भी दर्ज कs के मंदिर में आग कईसे लागल एकर जांच शुरू कs देले बिया। 1974 के फिलिम ‘आप की कसम’ के गीत ‘जय जय शिव शंकर काँटा लगे ना कनकर’ के शूटिंग एही मशहूर मंदिर के आसपास भइल रहे.