महाकुंभ में देखावल जाई इs फिलिम, भारतवासी फेर लगइहें 'जय श्रीराम' के जयघोष

महाकुंभ में भक्तन के भारी भीड़ बा। देश आ दुनिया भर से लोग के बाढ़ प्रयागराज में आ गइल बा। त्रिवेणी संगम में डुबकी लगावे खातिर भक्त बेताब बाड़े। बॉलीवुड के भी नजर एही पs बा। फिल्म निर्माता एह भीड़ के मौका के रूप में देख रहल बाड़े। हाल ही में महाकुंभ में आवे वाला लोग के एगो अनूठा अनुभव देवे के विचार फिल्म निर्माता के दिमाग में आ गईल बा। महाकुंभ में एगो खास फिलिम के प्रदर्शन के आयोजन कइल गइल बा. अब रउरा सभे सोचत होखब कि ई फिलिम का हs आ कब देखावल जाई? आईं एकरा से जुड़ल जानकारी साझा करीं जा आ बताईं कि ई कवन फिलिम हs. 

एह दिन एह फिलिम के देखावल जाई

‘रामायण: द लेजेंड ऑफ प्रिंस राम’ सिनेमाघर में रिलीज होखे से पहिले एगो ऐतिहासिक कदम उठावे जा रहल बा. ई फिलिम 23 जनवरी 2025 के प्रयागराज के महाकुंभ मेला में देखावल जाई, जहाँ स्कूली लइकन आ भक्तन के महर्षि वाल्मीकि के रामायण पs आधारित इंडो-जापानी एनीमेशन के नया 4K रीमास्टर संस्करण देखावल जाई। एह कार्यक्रम के मकसद बा कि छोट लइकन के जापानी कला के माध्यम से जीवंत कइल गइल भारतीय महाकाव्य रामायण से परिचित करावल जाव. मानल जात बा कि ई फिलिम दर्शकन के मनोरंजन करे में सफल होखी.

फिल्म के एहिजा देखावल जाई

महाकुंभ दुनिया के सबसे बड़ धार्मिक सभा हs, जवन प्रयागराज में हो रहल बा। 144 साल बाद आइल एह महाकुंभ में शामिल होखे खातिर दूर-दूर से लोग आ रहल बा। दुनिया भर से लाखों श्रद्धालु इहाँ आइल बाड़े। अब ई विशेष प्रदर्शन महाकुंभ में होखे वाला अइसन पहिला आयोजन होई जवन बुध के सबेरे दस बजे से नेत्र कुंभ के लगे दिव्या प्रेम सेवा शिविर, सेक्टर 6, प्रयागराज में शुरू होई। ‘रामायण: द लेजेंड ऑफ प्रिंस राम’ 24 जनवरी 2025 के पहिला बेर पूरा भारत के सिनेमाघरन में अल्ट्रा एचडी 4K में रिलीज होखी. एह फिलिम में हिंदी, तेलुगु, तमिल आ अंग्रेजी संस्करण के शामिल कइल गइल बा. एह फिलिम के थियेट्रिकल वितरण गीक पिक्चर्स इंडिया, एए फिल्म्स आ एक्सेल एंटरटेनमेंट कर रहल बा.

इहो पढ़ीं: अतवारी छौंक: ‘बात कुछ पुरनका दौर के’ साया के जइसन ताउमिर साथे रहलें दिलीप कुमार आ सायरा बानो.. अइसन रहे लव स्टोरी