सैनिक स्कूल में 10वीं आ ग्रैजुएट पास लोगन खातीर आईल भर्ती, आवेदन सुरू, जानीं केतना होई सैलरी

अगर रउरा स्कूल में गैर टीचिंग स्टाफ के पद पs नौकरी के तलाश में बानी तs ई खबर खाली रउरा खातिर बा. असल में सैनीक स्कूल तिलैया में अइसन उम्मीदवारन खातिर रिक्ति पैदा हो गइल बा. इहाँ वॉर्ड ब्वॉय आ अउरी पद खातिर आवेदन आमंत्रित कइल गइल बा। एह बहाली परीक्षा खातिर आवेदन करे के चाहत उम्मीदवार आधिकारिक वेबसाइट www.sainikschooltilaiya.org पs जा के एह बहाली से जुड़ल अधिसूचना देख सकेलें आ आवेदन भी कs सकेलें. बता दीं कि आवेदन प्रक्रिया शुरू हो गइल बा आ आवेदन करे के आखिरी तारीख 16 नवम्बर बा. एकरा बाद आवेदन स्वीकार ना कईल जाई अवुरी ऑनलाइन पोर्टल बंद कs दिहल जाई।

केतना योग्यता के जरूरत बा?

वार्ड बॉय पद खातिर आवेदन करे वाला उम्मीदवार के कवनो मान्यता प्राप्त बोर्ड से दसवीं पास होखल अनिवार्य बा। एकरा अलावे उम्मीदवार के अंग्रेजी भाषा के भी ज्ञान होखे के चाही। जबकि पीटीआई सह मैट्रान खातिर आवेदन करे वाला उम्मीदवार के शारीरिक शिक्षा विषय में स्नातक के डिग्री होखे के चाहीं जवना में न्यूनतम 50% अंक होखे के चाहीं. ध्यान रहे कि एह पद खातिर खाली महिला उम्मीदवार आवेदन कs सकेली।

केतना सैलरी मिली ?

वार्ड बॉय पद खातिर चुनल उम्मीदवार के 19,900 रुपिया के मासिक वेतन दिहल जाई। जबकि पीटीआई सह मैट्ऱॉन पद खातिर चुनल उम्मीदवारन के हर महीना 29,200 रुपिया के वेतन दिहल जाई. अगर उमिर सीमा के बात कइल जाव तs वार्ड बॉय पद खातिर आवेदन करे वाला उम्मीदवारन के उमिर 18 से 50 साल के बीच होखे के चाहीं. जबकि दोसरा पद खातिर आवेदन करे वाला उम्मीदवारन के उमिर 21 साल से 35 साल के बीच होखे के चाहीं.