गोरखपुर के सात आरोपियन के खाकी पऽ बर्खास्तगी का संकट
पइसा छीन लेवे वाला निरीक्षक समेत सात दागदार पुलिसकर्मी के फाइल तैयार कऽ लिहल गइल बा। राज्य सरकार हर जिला के दागदार पुलिस जवानन के सूची बनावे के कहले बिया। चर्चा होखता कि जिला के सात पुलिसकर्मी के नाम एह सूची में शामिल बा, जेकर रिपोर्ट तइयार हो चुकल बा। जल्दिए ओह लोग के फाइल के बर्खास्तगी खातिर मुख्यालय भेज दिहल जाई।
कोतवाली इलाका में 50 लाख रुपया छीन के जेल में बंद इंस्पेक्टर आलोक कुमार सिंह के अलावे अलग-अलग मामला में तीन अउरी पुलिसकर्मी के खिलाफ मामला दर्ज भइल बा, जवना के जांच जारी बा। एह सब के नांव विभागीय कार्रवाई के सूची में शामिल कइल गइल बा। अब ओह लोग के जाँच फाइनल हो रहल बा जवना के बाद ओह लोग के दोषी करार दिहल जाई आ फाइल के बर्खास्तगी खातिर भेज दिहल जाई।
पिछला साल भेजल गइल एगो निरीक्षक के बर्खास्तगी फाइल पऽ मुख्यालय अबहीं ले कवनो फैसला नइखे कइले। एहप याद दिआवल भेजे के तइयारी चल रहल बा। जेल में बंद इंस्पेक्टर आलोक सिंह के बयान अबहीं तक दर्ज नइखे भइल। एकरा चलते उनकर जांच लंबित बा। एही तरे रामनगर कड़जहा चौकी प्रभारी शंभू साहनी के बयान लंबित बा।
उनका बयान खाती नोटिस जारी क दिहल गइल बा। एकरा संगे-संगे जेल प्रशासन के ओर से आलोक सिंह के बयान देवे से इनकार कइला के बाद अब पुलिस कोर्ट से अनुमति मंगले बिया।