Gorakhpur Weather: राती में गुलाबी जाड़ा से सिहरन, सुबेरे छाइल कोहरा

गोरखपुर में कुछ दिन से गुलाबी ठंड महसूस हो रहल बा।सूरज डूबला के बाद लोग के ठंडा लागे लागेला। साँझ के सिहरन आ रात के बारह बजे के बाद कमरा से ढंक के रहे के पड़ता। सूरज उगला तक ओस भी गिर रहल बा। हालांकि अतवार के सबेरे शहर कोहरा के कंबल में लपेटल देखल गइल जवन सूरज निकलत घरी साफ हो गइल।

नवम्बर के शुरुआत के संगे जाड़ा के असर भी बढ़े लागल बा। दिन में अब उमस अवुरी बेचैनी नईखे। सबेरे-साँझ सिहरन से भी ठंडा लागेला। अतवार के सबेरे पैदल चले वाला लोग के कोहरा महसूस भइल हालांकि कोहरा ना धुंध रहे।

एकर असर सबेरे 7 बजे तक चलत रहल। शहर के कई इलाका में सड़क कोहरा से ढंकल रहे। बोटिंग साइड से जात ड्राइवर के हेडलाइट जरा के देखलस। गाड़ियन के गति पs भी नियंत्रण राखल गइल। दिन में सूरज के रोशनी कम रहे, जवना के चलते तापमान में भी गिरावट आईल।

मौसम विभाग के मुताबिक रविवार के अधिकतम अवुरी न्यूनतम तापमान 31 अवुरी 17 डिग्री सेल्सियस दर्ज भईल। मौसम विभाग के मुताबिक तीन-चार दिन ले मौसम अईसने रही। भोर में कोहरा के साथे रात में ओस भी होई।