डंपर में फसल बाइक सवार आठ किमी ले घिसटात गइल, कईयो टुकड़ा में बंटल शव

कानपुर के घाटमपुर में बुध के रात बाइक सवार एगो तेज रफ्तार डंपर के आगे के हिस्सा में फंस गईल अवुरी करीब आठ किलोमीटर ले घसीटाट रह गईल। जब लोग ओकर पीछा कईले तs ड्राइवर वीरपुर गांव के नजदीक डंपर खड़ा कs के भाग गईल।
दुर्घटना में युवक के मउत हो गईल। पुलिस विकृत लाश के बटोर के पोस्टमार्टम हाउस भेज देलस। युवक के पहचान ना हो पावल। पुलिस जांच में व्यस्त बिया। 

बुध के रात में बाइक सवार एगो युवक घाटमपुर से पतारा कस्बा के ओर आवत रहे। पतारा में ही एगो युवक बाइक के संगे तेज रफ्तार से चलत डंपर के आगे के हिस्सा में फंस गईल। पास में मौजूद लोग डंपर के रोके के कोशिश कईले। 

एही पs ड्राइवर आपन रफ्तार बढ़ा के करीब सात-आठ किलोमीटर ले भाग गइल आ बाइक का साथे ओह नवही के घसीटत चल गइल. पीछे आवत लोग के देख के ड्राइवर वीरपुर गांव के लगे डंपर खड़ा कs के भाग गईल। 

मौका पs पहुंचल पुलिस गांव के लोग के मदद से कवनो तरीका से बाइक अवुरी डंपर में फंसल युवक के शव के निकललस। बाइक के परखचा उड़ गईल रहे अवुरी घसीटला के चलते शव जीर्णशीर्ण हालत में पहुंच गईल रहे।

इहो पढ़ीं: दिल्ली के महिला लो खातीर अरविंद केजरीवाल कइले बड़ ऐलान, 'हर महीना खाता में आई एतना रुपिया'