Siddharthnagar: प्रेमी के घरे पहुंच के प्रेमिका लगवलस फांसी, भइल मौत
बियफे के रात सिद्धार्थनगर जिला के शोहरातगढ़ के चिल्हिया थाना क्षेत्र के बुकनिहा खालसा गांव में एगो किशोरी अपना प्रेमी के घर पहुंचल आ उहाँ फांसी लगा लेलस। मामला के जानकारी मिलला के बाद पुलिस मामला के जांच में व्यस्त बिया। बतावल जाता कि लइकी अपना प्रेमी के फोन कइले रहे, बाकिर उऽ ना पहुंचल, एहसे उऽ उनका घरे पहुंच के फांसी लगा देलस। हालांकि लोग एकरा के हत्या मान रहल बाड़े। फिलहाल पुलिस के जांच में सबकुछ खुल जाई।
बुकनिहा इलाका के निवासी राम केवल के बेटी 17 साल के बालकनी शुक के सबेरे बगल के घर में दुपट्टा से फांसी लगा के आत्महत्या कऽ लेलस। बालकनी के मोहल्ला के एगो लइका से अफेयर होखत रहे। जवन मुंबई में रह के मजदूर के काम करेला।
बियफे के रात करीब 10 बजे लइकी लइका के घरे ओकरा से मिले गइल। जब लइका ना मिलल तऽ ओकरा घर में हंगामा मचावे लागल। मौका देख के घर के कमरा में घुस के भीतर से दरवाजा बंद कऽ लेलस। एही कमरा में एगो दु साल के लइकियो सुतल रहे। परिजन जब देखले कि दरवाजा भीतर से बंद बा तऽ सभके फोन करे लगले। लइकी ओह लइका के भीतर से बोलावे के बात करत रहे। खूब फोन कइला के बाद कवनो आवाज ना आइल।
हंगामा सुन के लइकी के माई-बाबूजी भी आ गइले। हंगामा सुन के गांव के सब लोग मौका पऽ पहुंच गइले। कुछ देर बाद कमरा के भीतर से कवनो आवाज ना आइल। दू साल के बच्चा के रोवे के आवाज सुनाई देलस। दरवाजा टूटला पऽ ओकर लाश ओकर दुपट्टा से कुंडी से लटकल देख के सभे स्तब्ध हो गइल। पुलिस के सूचना दिहल गइल। जवन मौका पऽ पहुंच के लाश के अपना कब्जा में ले लेलस आ जरूरी कार्रवाई करतिया।