छपरा से दिल्ली खातिर स्पेशल ट्रेन चली: दिवाली, छठ पs रेलवे के तोहफा, हर सनीचर आ सोमार के चली; जानीं शेड्यूल

रेलवे प्रशासन त्योहारन पs होखे वाली यात्रियन के अतिरिक्त भीड़ के धेयान में रखत सुविधा खातिर 05159/05160 छपरा-नई दिल्ली-छपरा विशेष गाड़ी के संचलन 11 आ 20 नवम्बर तक प्रत्येक सनीचर के छपरा से आ प्रत्येक सोमवार के नया दिल्ली से दो फेरन खातिर कइले बा। ई जानकारी रेलवे के पीआरओ अशोक कुमार पत्र जारी करत देले बाड़ें। एह ट्रेन के संचालन से छपरा आ आसपास के यात्रियन के विशेष लाभ मिली।

05159 छपरा-नई दिल्ली विशेष गाड़ी 11 आ 18 नवंबर के छपरा से 23:55 बजे प्रस्थान कs के दूसरका दिन सीवान से 00:50 बजे, थावे से 01:30 बजे, कप्तानगंज से 03:50 बजे, गोरखपुर से 05:00 बजे, खलीलाबाद से 05:42 बजे, बस्ती से 06:10 बजे, गोण्डा से 07:30 बजे, बाराबंकी से 09:02 बजे, ऐशबाग से 10:30 बजे, कानपुर सेण्ट्रल से 12:55 बजे, इटावा से 14:25 बजे आ गाजियाबाद से 19:02 बजे छूटके नया दिल्ली 20:00 बजे पहुंची।

वापसी यात्रा में 05160 नई दिल्ली-छपरा विशेष गाड़ी 13 आ 20 नवम्बर के नई दिल्ली से 00:30 बजे प्रस्थान कs  के गाजियाबाद से 01:17 बजे, इटावा से 05:43 बजे, कानपुर सेंट्रल से 07:20 बजे, ऐशबाग से 09:10 बजे, बाराबंकी से 10:22 बजे गोडा से 11:35 बजे, बस्ती से 12:53 बजे, खलीलाबाद से 13:24 बजे, गोरखपुर से 14:25 बजे, कप्तानगंज से 15:20 बजे, थावे से 17:20 बजे आ सीवान से 18:15 बजे छूटकर छपरा 19:25 बजे पहुंची।

एह गाड़ी में जनरेटर सह लगेज यान के एगो, एल.एस.एल.आर.डी. के एगो आ साधारण द्वितीय श्रेणी के 20 कोच सहित कुल 22 गो कोच लगावाल जाई।