छत्तीसगढ़ में वंदे भारत पs पथराव, 3 गो कोच के शीशा टूटल

छत्तीसगढ़ के बीजापुर के वंदे भारत में पथराव कइल गईल। एह पत्थरबाजी के चलते 3 गो कोच के शीशा टूट गईल। इs उहे वंदे भारत ट्रेन हs, जवना के पीएम मोदी 16 सितंबर के वर्चुअली फ्लैग ऑफ करे वाला रहले। जवना समय पथराव भईल रहे, ओ समय महासमुंद में वंदे भारत ट्रेन के ट्रायल रन चलत रहे।

छत्तीसगढ़ के बीजापुर में वंदे भारत ट्रेन में ट्रायल रन के दौरान पत्थरबाजी भईल, जवना में तीन कोच सी 2-10, सी 4-1, सी 9-78 के शीशा टूट गईल। पीएम मोदी 16 सितंबर के एह ट्रेन के वर्चुअली फ्लैग ऑफ करे वाला रहले। ई पत्थरबाजी बागबाहरा रेलवे स्टेशन पs कइल गइल बा.

एह दौरान पुलिस 5 आरोपी के गिरफ्तार कs लेले बिया। इs सभ आरोपी बागबाहरा के निवासी हवे। जेकरा खिलाफ पुलिस रेलवे एक्ट 1989 के तहत मामला दर्ज करवले बिया।