धन कुबेर निकऽलले निलंबित खनन इंस्पेक्टर, धनबाद आ मधुबनी में फ्लैट-जमीन

बिहार के भोजपुर जिला में तैनात खनन निरीक्षक रंजीत कुमार पs आरोप बा कि उनका आय के अनुपात में संपत्ति नइखे। आर्थिक अपराध इकाई (ईओयू) पटना अउरी आरा में उनका ठिकाना पs छापामारी कइले बिया। एह दौरान झारखंड के धनबाद आ मधुबनी में फ्लैट आ जमीन होखे के जानकारी मिलल बा। ईओयू के अधिकारियन के रंजीत कुमार के आवास से बहुते महत्वपूर्ण दस्तावेज मिलल बा जवना के जाँच कइल जा रहल बा।

अवैध बालू खनन मामला में निलंबित भोजपुर के खनन निरीक्षक रंजीत कुमार के आय से अधिका संपत्ति के मामला में शिकंजा कसल जाता।

आर्थिक अपराध इकाई (ईओयू) एह मामला में पांच सितंबर के पटना आ आरा में उनका ठिकाना पs एक संगे छापामारी कइले रहे। एमें झारखंड के धनबाद आ मधुबनी में फ्लैट आ जमीन होखे के जानकारी मिलल बा।

ईओयू के अधिकारी के मुताबिक, विशेष टीम आय से अधिक संपत्ति के मामला के सिलसिला में रंजीत कुमार के आरा में किराया के आवास आ पटना सिटी के पैतृक मकान पs छापामारी कइलस। एह दौरान आरा में उनका किराया के मकान से जमीन, संपत्ति आ निवेश के कागजात मिलल।

ठिकाना पऽ मिलल ई सामान

एमें धनबाद में दू गो फ्लैट बुक करे के कागज, मधुबनी में जमीन के कागज आ धनबाद में जमीन के कागज शामिल बा। एकरा अलावे बीमा पॉलिसी, एलआईसी बांड पेपर, कार, मोटरसाइकिल आदि के दस्तावेज मिलल बा।

गहना के संगे-संगे अलग-अलग बैंक के खाता, चेक आ एटीएमो जांच टीम के मिलल बा। एह दस्तावेजन के जाँच कइल जा रहल बा आ संपत्ति के वास्तविक मूल्यांकन कइल जा रहल बा।

ईओयू के मुताबिक रंजीत कुमार साल 2021-22 के बीच भोजपुर में खनन निरीक्षक के पद प तैनात रहले। एह दौरान उनका पs भ्रष्टाचार के आरोप लागल। एह मामला के जांच के दौरान आय से अधिका संपत्ति के मामला के जानकारी सोझा आइल, ओकरा बाद 4 सितंबर के मामला दर्ज भइल आ एक संगे पटना आ आरा के पांच जगह पs तलाशी लिहल गइल।