न्यूजीलैंड दर्ज कइलस टी20 वर्ल्ड कप के इतिहास के आपन सबसे बड़ जीत, युगांडा के एतना बड़ अंतर से हरवलस
टी-20 विश्व कप 2024 के 32वां मैच त्रिनिदाद में न्यूजीलैंड आ युगांडा के बीच भइल। युगांडा आ न्यूजीलैंड दुनु टीम सुपर-8 से बाहर बाड़ी सँ. अइसना में दुनु टीम इज्जत खातिर लड़ाई लड़े खातिर एह मैच में प्रवेश कइले रहुवे. एह मैच में न्यूजीलैंड के टीम शानदार प्रदर्शन कइलसि आ आपन पहिला जीत हासिल कइलस. बता दीं कि एह मैच में न्यूजीलैंड अपना टी-20 विश्व कप के इतिहास में सबले बड़का जीत दर्ज कइलस.
न्यूजीलैंड के गेंदबाजन के कहर
न्यूजीलैंड के कप्तान केन विलियमसन टॉस जीत के गेंदबाजी करे के फैसला कइलन जवन बिल्कुल सही साबित भइल. कीवी के गेंदबाज युगांडा के महज 40 रन बना के आउट कs दिहले. टी-20 विश्व कप के इतिहास में ई दुसरका सबले कम स्कोर बा. टीम के तीन बल्लेबाज बिना खाता खोलले आउट हो गइले आ महज 2 रन पs 3 विकेट गिर गइल. एकरा बाद आधा टीम 15 रन के बाद मंडप में वापस आ गईल। एही कारण से पूरा टीम महज 40 रन बना सकत रहे।
कीवी बल्लेबाज के आसान रन चेज
न्यूजीलैंड टीम महज 1 विकेट के नुकसान में 41 रन के लक्ष्य हासिल कइलस. एह दौरान डेवोन कॉनवे 22 नाबाद रन बनवले आ रचीन रवींद्र 1 रन बना के नाबाद रह गइलन. एहसे पहिले फिन एलेन 9 रन बना के आउट हो गइल रहले. बता दीं कि न्यूजीलैंड एह लक्ष्य के 5.2 ओवर में पीछा कइलस. मतलब किवी टीम 88 गेंद बाकी रहला पs मैच जीत लिहलस. एकरा से पहिले 2007 के टी-20 विश्व कप के दौरान डरबन में केन्या के खिलाफ मैच में न्यूजीलैंड 74 गेंद बाकी रहे।
101 गेंद - इंग्लैंड बनाम ओमान, नॉर्थ साउंड, 202
90 गेंद - श्रीलंका बनाम नीदरलैंड, चैटोग्राम, 2014
88 गेंद - न्यूजीलैंड बनाम युगांडा, तारौबा, 2024
86 गेंद - ऑस्ट्रेलिया बनाम नामीबिया, नॉर्थ साउंड, 2024
82 गेंद - ऑस्ट्रेलिया बनाम बांग्लादेश, दुबई, 2021
