OnePlus 12 Series आजु भारत में होई लॉन्च, जानीं कीमत, फीचर्स समेत कुल डिटेल

OnePlus 12 OnePlus 12R India launch : वनप्लस 12 सीरीज के आज भारत समेत वैश्विक स्तर पs लॉन्च कईल जाई। चीनी ब्रांड पछिला साल चीनी बाजार में एs सीरीज के स्टैंडर्ड वर्जन लॉन्च कईले रहे। वनप्लस 12 सीरीज में दुगो फोन वनप्लस 12 अवरू वनप्लस 12आर लॉन्च होई। ए सीरीज के दुनो फोन देखाई देवे में एकही निहन होई। हालांकि, फोन के फीचर में अंतर देखाई दे सकता। ए स्मार्टफोन के फीचर के संगे एकर दाम ऑनलाइन भी लीक हो गईल बा। आ, वनप्लस के एह स्मार्टफोन सीरीज के बारे में बताईं...

वनप्लस 12 सीरीज के लॉन्च इवेंट

वनप्लस 12 सीरीज के लॉन्चिंग इवेंट भारतीय समय साँझ साढ़े सात बजे से शुरू होखी। एह फ्लैगशिप स्मार्टफोन सीरीज के लॉन्चिंग इवेंट के आयोजन वनप्लस इंडिया के आधिकारिक सोशल मीडिया प्लेटफॉर्म अवुरी अमेजन इंडिया पs बनल माइक्रो वेबसाइट पs होई।

वनप्लस 12, वनप्लस 12आर के दाम ( संभावित) 

लीक भईल रिपोर्ट के मुताबिक वनप्लस 12 के शुरुआती कीमत 69,999 रुपिया हो सकता। इs स्मार्टफोन 12GB रैम + 256GB इंटरनल स्टोरेज के संगे पेश कईल जा सकता। एकरा अलावे एs फोन के 16GB रैम 512GB/1TB वेरिएंट में भी पेश कईल जा सकता। जबकि वनप्लस 12आर के कीमत 40 हजार रुपिया से शुरू हो सकता। इs स्मार्टफोन 12GB/16GB रैम अवरू 256GB/512GB स्टोरेज के संगे भी लॉन्च कईल जा सकता। एह सीरीज के मानक मॉडल हरियर अवुरी करिया रंग में आ सकता। एकरा संगे वनप्लस 12आर के ब्लैक कलर के विकल्प में पेश कईल जा सकता।

वनप्लस 12 के फीचर 

वनप्लस 12 में 6.82 इंच के क्यूएचडी+ 2के ओएलईडी एलटीपीओ डिस्प्ले मिल सकता।इs फोन Qualcomm Snapdragon 8 Gen 3 प्रोसेसर के संगे आई। एकरा में 5,400mAh के बैटरी के संगे 100W तार अवुरी 50W वायरलेस चार्जिंग के सपोर्ट होई। एकरा पीछे में ट्रिपल कैमरा सेटअप होई, जवना में 50MP के मुख्य ओआईएस कैमरा, 48MP के अल्ट्रा-वाइड अवरू 64MP के पेरिस्कोप कैमरा होई। एकरा में सेल्फी अवरू वीडियो कॉलिंग खातीर 32MP के कैमरा होई।

OnePlus 12R के फीचर 

एs स्मार्टफोन में 6.78 इंच के LTPO AMOLED डिस्प्ले मिल सकता। इs Qualcomm Snapdragon 8 Gen 2 प्रोसेसर के संगे आ सकता। फोन में 5,500mAh के बैटरी के संगे 100W के फास्ट चार्जिंग फीचर मिल सकता। इs फोन ट्रिपल रियर कैमरा सेटअप के संगे भी आई। एकरा में 50MP के मुख्य ओआईएस कैमरा होई। एकरा संगे 8MP अल्ट्रा वाइड अवरू 2MP मैक्रो कैमरा उपलब्ध होई। एकरा में सेल्फी अवरू वीडियो कॉलिंग खातीर 16MP के कैमरा हो सकता।