POK में आतंकी के सिर कटल शव मिलले से मचल हड़कंप, जम्मू के आर्मी कैंप पs 2018 में भईल रहे हमला

एक बेर फेरु पाकिस्तान कब्जा वाला कश्मीर में एगो मोस्ट वांटेड लश्कर आतंकी के हत्या के खबर बा. रिपोर्ट के मुताबिक पाकिस्तान के कब्जा वाला कश्मीर में रविवार के ख्वाजा शाहिद नाम के एगो आतंकी के सिर काटल लाश बरामद भईल। बता दीं कि साल 2018 में जम्मू के सेना शिविर प भईल हमला के मास्टरमाइंड ख्वाजा शाहिद रहले। अभी कुछ दिन पहिले उनुका अपहरण के खबर सोझा आईल रहे।

पूरा बात का रहे?

आतंकी ख्वाजा शाहिद पs साल 2018 में जम्मू के सुंजुवान में स्थित भारतीय सेना के कैंप पs हमला करे के योजना बनावे के आरोप रहे। एजेंसियन उनका के बहुत दिन से खोजत रहे। बता दीं कि सेना के शिविर पs भईल हमला में 6 जवान, एक सैन्य अधिकारी अवुरी एक नागरिक के मउत हो गईल। एकरा संगे जवाबी कार्रवाई में सेना ए हमला में शामिल तीन आतंकी के हत्या कs देले रहे।

आतंकियन के बुरा दिन

एह घरी पाकिस्तान आ ओकरा कब्जा वाला कश्मीर में आतंकियन खातिर खराब दिन चलत बा। जदी रिपोर्ट पs विश्वास कईल जाए तs पछिला 20 महीना में कुल 18 भारत विरोधी आतंकी के उहाँ अलग-अलग घटना में मउत हो चुकल बा। पिछला महीना उत्तर वजीरिस्तान में दाऊद मलिक नाम के एगो आतंकी के दिनदहाड़े अनजान बंदूकधारी गोली मार दिहले रहले। दाऊद आतंकी संगठन जैश-ए-मोहम्मद के मुखिया मसूद अजहर के बहुत भरोसेमंद सहयोगी मानल जात रहले।

सूत्र के मुताबिक सुरक्षा एजेंसियन के इनपुट मिलल बा कि आतंकी जम्मू में कवनो बड़ घटना के अंजाम दे सकेले। त्योहार के मौसम ह आ सभे तब व्यस्त बा जब राष्ट्र विरोधी ताकत आपन नापाक मंसूबा से माहौल बिगाड़ल चाहत बाड़ी सँ। हाल ही में जम्मू के सिधरा इलाका में जम्मू श्रीनगर राष्ट्रीय राजमार्ग पs लागल टिफिन से सुरक्षा बल 2 किलो आईडी बरामद कइले बा।