Gorakhpur News: कोचिंग संचालक आपन कार से तीन दोस्तन से पहिले एगो कार के भी मरलस टक्कर-दर्ज होई केस
अतवार के रात रामनगर चौराहा पs जाहिदाबाद के तीन दोस्त के अपना कार से टक्कर मारे वाला कोचिंग संचालक गोरखनाथ ओवरब्रिज पs भी एगो कार के जोरदार टक्कर देले रहले। पीड़ित कार मालिक सोमार के सांझ गोरखनाथ थाना पहुंच के कोचिंग संचालक सूर्य प्रताप सिंह के खिलाफ शिकायत दर्ज करवले। पुलिस दोषी हत्या के मामिला में एs मामिला के भी शामिल करी।
सुभाष चंद्र बोस नगर कालोनी में रहे वाला रणविजय चंद गोरखनाथ थाना के दिहल शिकायत में लिखले बाड़न कि अतवार के रात ऊ धर्मशाला बाजार से गाड़ी से अपना घरे लवटत रहले। गोरखनाथ ओवरब्रिज पs पीछे से आईल तेज रफ्तार बेलेनो कार उनुका गाड़ी से जोरदार टक्कर मार देलस।
उ लोग ओकरा के रोके के कोशिश कईले लेकिन ड्राइवर गाड़ी के संगे तेजी से चल गईल।हालांकि एs दौरान उ गाड़ी के नंबर नोट कईले। बाद में पता चलल कि उहे कार चालक रामनगर चौराहा पs चलत तीन दोस्त के भी कुचल देले। एह बारे में ओह लोग के ओह घटना के सीसीटीवी फुटेज वायरल भइला के बाद पता चलल।
सीओ गोरखनाथ योगेन्द्र सिंह बतवले कि रणविजय के कार से टकरा के सूर्य प्रताप रामनगर चौराहा पs लंच कs के टहले निकलल जाहिदाबाद कालोनी निवासी मोईन, अकील अहमद अवुरी ताहिर हुसैन के कुचल देले रहले। एह घटना में मोइन आ अकील के मउत हो चुकल रहे। ताहिर के सावित्री अस्पताल में इलाज चलता।
