Vikrant Massey: विक्रांत मैसी कइले अभिनय से संन्यास लेवे के एलान

बॉलीवुड अभिनेता विक्रांत मैसी अपना हालिया इंस्टाग्राम पोस्ट में अभिनय से संन्यास लेबे के एलान कइले बाड़न. हालही में एह अभिनेता के फिल्म ‘द साबरमती रिपोर्ट’ में देखल गइल. एहसे पहिले ‘12वीं फेल’ आ ‘सेक्टर 36’ जइसन फिलिमन में उनुका बेहतरीन अभिनय खातिर सराहल गइल. उम्मीद रहे कि विक्रांत एह सफलता के फायदा उठा के आगे बढ़िहें बाकिर अभिनेता अचानक रिटायर होखे के फैसला कs लिहले बाड़न. 37 साल के उमिर में ऊ अभिनय से सन्यास काहे ले लिहले.

विक्रांत कइले संन्यास के ऐलान 
विक्रांत सोमार के सबेरे (2 दिसंबर) अपना प्रशंसकन के हैरान कs दिहलन कि ऊ साल 2025 के बाद अभिनय से संन्यास ले लीहें. इंस्टाग्राम पs शेयर कईल एगो नोट में उs लिखले कि, "पिछला कुछ साल अवुरी ओकरा से पहिले के समय गजब के रहल बा। हम रउआ सभे के धन्यवाद देतानी, जवन कि हमेशा हमार साथ देले बानी, बाकिर जईसे-जईसे आगे बढ़तानी हमरा एहसास होखता कि एगो पति, पिता, बेटा अवुरी अभिनेता के रूप में भी समय आ गईल बा कि हम अपना के फेर से संरेखित कs के घरे लवटी।"

एह फैसला से प्रशंसक हैरान हो गइले

विक्रांत के ई एलान उनुका प्रशंसकन के झकझोर दिहले बा. भारी संख्या में लोग कमेंट में आपन अचरज जतवले। एगो प्रशंसक लिखले कि, "रउरा अयीसन काहें करतानी? आपके जईसन कलाकार बहुत कम बाड़े। हमनी के निमन सिनेमा के जरूरत बा।" एगो अउरी कहलस कि, "अचानक? का सब ठीक बा? प्रशंसकन खातिर ई बहुते चौंकावे वाला खबर बा. हमनी के राउर अभिनय आ फिलिमन से बहुते प्यार बा." इहाँ तक कि बहुत प्रशंसक विक्रांत से एs फैसला पs फेर से विचार करे के निहोरा कईले। "भाई, तू चरम पs बाड़... अईसन काहे सोचत बाड़?" एगो प्रशंसक लिखले बा कि "का इs कवनो फिल्म चाहे ब्रांड के प्रचार खातीर प्रचार के स्टंट हs।"

इहो पढ़ीं: Awadh Ojha: आजु आम आदमी पार्टी में शामिल होखिहें अवध ओझा