नीरज के शादी के खुल गइल राज, मनु भाकर के पिता कहलें बड़ बात

पेरिस ओलंपिक 2024 11 अगस्त के खतम हो गइल बा। अबकी बेर भारत के कुल 6 पदक मिलल। ओलंपिक में कवनो भारतीय एथलीट खातिर सबले बेसी सुर्खी उऽ हवें मनु भाकर आ नीरज चोपड़ा के नाम बा। मनु भाकर पेरिस ओलंपिक 2024 में देश के पहिला दू गो पदक दिहलें। नीरज भाला फेंक में देश के रजत पदक जीत लिहले। ई खाली अतने नइखे। ओलंपिक के समापन का बाद नीरज आ मनु भाकर के माई के एगो वीडियो वायरल हो गइल जवना में दुनु जने एक दोसरा से बतियावत लउकलन। एगो अवुरी वीडियो में नीरज चोपड़ा अवुरी आ भाकर आपस में बतियावत देखाई देतारे। जइसहीं ई वीडियो वायरल भइल त ओह लोग के अफेयर के अफवाह तेजी से फइलल शुरू हो गइल। अब मनु भाकर के बाबूजी एह अफवाहन पर बड़हन बयान दे दिहले बाड़न। त आईं मनु आ नीरज के बियाह के कतना साँच बा आ केतना भ्रम बा।

पेरिस ओलंपिक 2024 : मनु नीरज से खूब बात कइले

जइसे कि वीडियो में साफ-साफ देखाई देता कि नीरज चोपड़ा आ मनु भाकर एक दूसरा से बात करऽतारे। मनु भाकर से बात करत घरी नीरज चोपड़ा के माथा झुकल बा। जवना से साफ लउऽकत बा कि नीरज मनु से बात करे में लजाइल बाड़े। हालांकि इ वीडियो वायरल होखते लोग प्रेम कहानी के बारे में अफवाह फैलावे लगले।

Paris Olympics 2024: मनु के माई नीरज से खिअवली रहली कसम

एगो वीडियो में देखल गईल कि मनु भाकर के माई के मुलाकात नीरज चोपड़ा से भइल रहे। दुनों के बीच बहुत बतकही चलत रहे। मनु भाकर के माई नीरज से का बात कईले बाड़ी, एकर अबही ले खुलासा नइखे भइल। वीडियो में साफ-साफ देखाई देता कि मनु भाकर के महतारी सुमेधा भाकर नीरज से माथा पs हाथ धारावत बाड़ी। जइसही मनु के माई आ नीरज चोपड़ा के वीडियो वायरल भइल, दुनो भारतीय एथलीट के बियाह के खबर वायरल हो गइल। सोशल मीडिया पs लोग दावा करे लगले कि मनु के महतारी अपना बेटी के नीरज से बियाह के बात करतारी।

पेरिस ओलंपिक 2024 : उऽ अबही बहुत छोट बाड़ी : मनु भाकर के पिता

मनु भाकर अवुरी नीरज चोपड़ा के बियाह के खबर के लेके मनु भाकर के पिता सब कुछ साफ कऽ देले। न्यूज नेशन में छपल एगो रिपोर्ट में मनु भाकर के पिता के हवाला से कहल गइल कि, 'मनु अबही बहुत छोट बाड़ी।' उ बियाह के उमर के नइखी। अबही ले एकरा बारे में नइखी सोचलें।'