Gorakhpur News: गोरखपुर यूनिवर्सिटी विद्यार्थी कुल कइले हंगामा-प्रदर्शन, जानीं का रहे बड़ वजह
मंगल के दिने दीनदयाल उपाध्याय गोरखपुर विश्वविद्यालय में होखे वाला सालाना परीक्षा के पहिला दिन हंगामा मच गइल. बार-बार समय सारिणी में बदलाव के चलते परीक्षा के समय के लेके उलझल सैकड़न छात्र परीक्षा से चूक गईले।
खिसियाइल छात्र कुलपति अवुरी रजिस्ट्रार कार्यालय में फेर से परीक्षा के मांग करत हंगामा मचवले। मामिला के बिगड़त देख कुलपति समेत सभ शीर्ष अधिकारी पहुंचले। कुलपति उनुका से बात करत भरोसा दिहली कि उनुका के परीक्षा के मउका दिहल जाई. साँझ के समय परीक्षा नियंत्रक 12 मई के दुपहरिया के पाली में दुपहरिया एक से चार बजे ले चूकल परीक्षा करावे के आदेश जारी कs दिहले बाड़न.
गोरखपुर विश्वविद्यालय में मंगल से सालाना परीक्षा शुरू हो गईल। विश्वविद्यालय केन्द्र में सबेरे बीए, बीएससी, बीकॉम के 30 विषय के परीक्षा रहे. एहमें विश्वविद्यालय केन्द्र आ संबद्ध कॉलेजन में एक हजार विद्यार्थी परीक्षा छुटल.
परीक्षा के कार्यक्रम में बार-बार बदलाव होखत रहे। जवन विद्यार्थी अन्त ले टाइम टेबल देखले, समय से परीक्षा में पहुंच गईले, लेकिन बहुत अयीसन छात्र रहले जवन कि बदलल समय ना देख पवले अवुरी परीक्षा से चूक गईले।
