तिरुपति बालाजी मंदिर के प्रसाद में जानवरन के चर्बी आ मछरी के तेल होले के पुष्टि

विश्व प्रसिद्ध तिरुपति वेंकटेश्वर मंदिर के प्रसाद में मिलावट के पुष्टि हो गईल बा। परीक्षण रिपोर्ट के मुताबिक प्रसाद बनावे में इस्तेमाल भईल घी में जानवर के चर्बी होखे के पुष्टि भईल बा। टीडीपी एकर दावा कईले बिया। लड्डू बनावे में घटिया सामग्री आ जानवरन के चर्बी के कथित इस्तेमाल पs विवाद के बीच सत्तारूढ़ तेलुगु देशम पार्टी बियफ़ें के दावा कईलस कि गुजरात के पशुधन प्रयोगशाला से मिलावट के पुष्टि हो गईल बा। टीडीपी के दावा बा कि तिरुपति के मशहूर श्री वेंकटेश्वर मंदिर में प्रसाद के रूप में बांटे खातिर गोमांस के चर्बी, मछली के तेल अवुरी ताड़ के तेल के इस्तेमाल लड्डू बनावे में होखत रहे।

टीडीपी प्रवक्ता देखवलस लैब रिपोर्ट

टीडीपी के प्रवक्ता अनम वेंकटा रमन रेड्डी पत्रकारन के कथित प्रयोगशाला रिपोर्ट देखवली जवना में दिहल घी के नमूना में “गोमांस के चर्बी” के मौजूदगी के पुष्टि भईल बा। कथित प्रयोगशाला रिपोर्ट में नमूना में “चर्बी” (सुअर के चर्बी से संबंधित) अवुरी मछरी के तेल के मौजूदगी के भी दावा कईल गईल बा। सैंपल के तारीख 9 जुलाई 2024 आ प्रयोगशाला रिपोर्ट 16 जुलाई के रहे।

जांच इहाँ के लैब में भईल

गुजरात के राष्ट्रीय डेयरी विकास बोर्ड के पशुधन एंड खाद्य विश्लेषण आ अध्ययन केंद्र भा सीएएलएफ के प्रयोगशाला के रिपोर्ट में वाईएसआरसीपी के सत्ता में रहला पs मशहूर तिरुपति लड्डू बनावे में इस्तेमाल होखे वाला घी में जानवरन के चर्बी के मौजूदगी के खुलासा भइल बा.

मंदिर प्रबंधन के ओर से अबे ले आधिकारिक पुष्टि नईखे मिलल

हालांकि, आंध्र प्रदेश सरकार चाहे मशहूर श्री वेंकटेश्वर स्वामी मंदिर के प्रबंधन करेवाला तिरुमाला तिरुपति देवस्थानम (टीटीडी) के ओर से प्रयोगशाला रिपोर्ट पs कवनो आधिकारिक पुष्टि नईखे भईल।