सबेरे-सबेरे: इs 3 गो योगासन कंट्रोल कs सकेला यूरिक एसिड
बहुत लोग के शरीर में यूरिक एसिड बढ़े के समस्या के सामना करे के पड़ेला। असल में शरीर में प्यूरीन के मात्रा बढ़ला से एs समस्या के खतरा बढ़ जाला। अस्वस्थ खानपान के आदत के चलते शरीर में बढ़े वाला एs समस्या के चलते जोड़ में दर्द, ठंडा महसूस होखे अवुरी घुटना में दर्द के समस्या बनल रहेला। एकरा से राहत पावे खातिर लोग दवाई के मदद लेला। बाकिर अगर रउरा शरीर में यूरिक एसिड के स्तर के नियंत्रित कईल चाहतानी तs एs आसान योगासन के मदद लीही।
- अर्ध मत्स्येन्द्रासन ( Spinal half twist )
एह योग आसन के अभ्यास से गोड़ के मांसपेशी में खिंचाव बढ़ जाला। एहसे दर्द अवुरी ऐंठन से राहत मिलेला अवुरी शरीर के लचीलापन बनल रहेला। एकरा अलावे इs शरीर में मौजूद जहरीला पदार्थ के विषमुक्त करे में भी मदद करेला।
एकरा के करे के तरीका जान लीं
एकरा खातिर पहिले चटाई पs बईठे के चाही। अब घुटना से दुनो गोड़ मोड़ लीं। दाहिना गोड़ जमीन पs रख दीं। बायां गोड़ के भी जमीन पs राखी। एकरा बाद बायां गोड़ के दाहिना हाथ से पकड़ीं। एकरा बाद बायां हाथ कमर के पीछे ले लीं। शरीर के क्षमता के अनुसार एह योग के अभ्यास करीं। एकरा से जोड़ में बढ़त दर्द के कम कईल जा सकता।
- सुखासन (Easy pose)
एह योग आसन के अभ्यास से तन मन में शांति मिलेला। एहसे शरीर में आराम मिलेला अवुरी मुद्रा में सुधार होखेला। एकरा अलावे इs पाचन के बढ़ावा देवेला अवुरी शरीर में मौजूद अतिरिक्त यूरिक एसिड के विषमुक्त करे में मदद करेला।
- एकरा के करे के तरीका जान लीं
- एकरा खातिर चटाई पs बईठ के पीठ सीधा करीं। अब घुटना मोड़ के जमीन के छूईं। दुनो हथेली के घुटना पs आराम से राखी। एकरा दौरान कमर में तनाव महसूस होखेला, सीधा बईठ के लम्बा सांस लेवे अवुरी सांस छोड़ी। आँख बंद कs के शरीर के क्षमता के मुताबिक अभ्यास करीं।
- पश्चिमोत्तानासन (Seated forward bend)
पश्चिमोट्टानासन के अभ्यास से यूरिक एसिड के स्तर के प्रबंधन में मदद मिलेला। इs किडनी के उत्तेजित कs के यूरिक एसिड के छाने में मदद करेला। एकर अभ्यास कईला से रीढ़ अवुरी हैमस्ट्रिंग पs तनाव होखेला।
एकरा के करे के तरीका जान लीं
सबसे पहिले चटाई पs बईठ के आगे दुनो गोड़ सीधा कs लीही। अब दुनु बाँहि के आगे ले आई. एकरा बाद कमर से शरीर के आगे मोड़ के दुनो हाथ से गोड़ के पकड़े के कोशिश करीं. एकरा दौरान कोहनी के मोड़ के जमीन के छूई।
इहो पढ़ीं:अतवारी छौंक: ‘बात कुछ पुरनका दौर के ‘ अपने दौर के underrated एक्ट्रेस रहली ‘राखी गुलजार’