उदयपुर में कन्हैयालाल हत्याकांड से जुड़ल केस में आरोपी जावेद के मिलल जमानत

राजस्थान के मशहूर कन्हैयालाल टेलर के हत्या से जुड़ल एगो मामला में बियफ़ें के एगो बड़ अपडेट सोझा आईल बा। जानकारी के मुताबिक आज हाईकोर्ट के डिवीजन बेंच में एs मामला के सुनवाई भईल, जवना के बाद एक आरोपी जावेद के कोर्ट से जमानत मिल गईल बा। हाईकोर्ट के डिवीजन बेंच आरोपी जावेद के दू लाख रुपिया के जमानत आ एक लाख के सशर्त जमानत दे दिहलस.

एनआईए गिरफ्तार कs लेले रहे

कन्हैयालाल हत्या के मामला में आरोपी जावेद के केंद्रीय जांच एजेंसी यानी एनआईए गिरफ्तार कs लेलस। जावेद पs कन्हैयालाल के हत्या के दिन रेकी करे के आरोप रहे। कन्हैयालाल के हत्या करेवाला आरोपी रियाज से जावेद भी मुलाकात कईले रहले।  लोकेशन के आधार पs एनएआईए साबित ना कs सकल कि जावेद रेकी कईले बाड़े। रियाज अटारी अवुरी मोहम्मद गौज उनुका दोकान पs वीडियो देख के उहाँ से सर्कुलर कईले। बाकीर लोकेशन अवुरी कॉल डिटेल के आधार पs इs साबित ना हो सकल कि जावेद शामिल बाड़े।

एकरा से पहिले जुलाई महीना में कन्हैयालाल टेलर के हत्या के आरोपी रियाज अंसारी के अजमेर के उच्च सुरक्षा वाला जेल से कड़ा सुरक्षा के तहत जवाहरलाल नेहरू अस्पताल ले आवल गईल रहे। जानकारी के मुताबिक रियाज अंसारी के पेट अवुरी आंख के समस्या के चलते अस्पताल पहुंचावल गईल। अस्पताल में जाँच कइला के बाद एक बेर फेर कड़ा सुरक्षा के तहत उच्च सुरक्षा जेल भेज दिहल गइल.