UGC NET December 2024:15 जनवरी वाली परीक्षा अब एs तारीखन के होई आयोजित, देखीं इहां रिवाइज्ड शेड्यूल

यूजीसी नेट दिसंबर 2024 : 15 जनवरी 2025 के होखे वाला परीक्षा के राष्ट्रीय परीक्षण एजेंसी स्थगित कs दिहलस। एह परीक्षा में आवे वाला सब लोग खातिर एगो बढ़िया खबर बा। अब एनटीए एह नया तारीख के एलान कs दिहले बा. संशोधित कार्यक्रम एजेंसी अपना आधिकारिक वेबसाइट पs जारी कs देले बिया। एs संबंध में नोटिस जारी कs दिहल गईल बा। उम्मीदवार आधिकारिक वेबसाइट पs जाके नोटिस के जांच कs सकतारे।

अब कब परीक्षा होई
जारी संशोधित अनुसूची के मुताबिक 15 जनवरी के स्थगित परीक्षा अब 21 जनवरी अवुरी 27 जनवरी 2025 के करावल जाई। दुनो दिन एकही पाली में परीक्षा होई। 21 जनवरी के सबेरे 9 बजे से दुपहरिया 12 बजे तक सबेरे के पाली में परीक्षा होई। जबकि 27 जनवरी के दुपहरिया के पाली में दुपहरिया के 3 बजे से 6 बजे ले परीक्षा होई।

बता दीं कि राष्ट्रीय परीक्षण एजेंसी मकर संक्रांति आ पोंगल त्योहार के चलते 15 जनवरी के होखे वाला परीक्षा के टाल दिहल गइल बा। एजेंसी के कहनाम रहे कि इs फैसला छात्र के हित में लिहल गईल बा। ओह दिन जनसंचार आ पत्रकारिता, कानून, इलेक्ट्रॉनिक विज्ञान आ पर्यावरण विज्ञान समेत 17 गो विषयन के परीक्षा टार दिहल गइल.

इहो पढ़ीं: सबेरे-सबेरे: जाड़ा में अकड़ जाता गोड़ , तऽ करीं ई yoga…