OYO में अनमैरिड कपल के 'नो-एंट्री'... नया साल में कंपनी बदल दिहलस नियम

ट्रैवल आ होटल बुकिंग प्लेटफार्म ओयो अपना साझेदार होटलन खातिर एगो नया चेक इन नियम जारी कइले बा. एकरा के सबसे पहिले उत्तर प्रदेश के मेरठ में लागू कईल गईल बा। एह साल से ई नियम लागू हो गइल बा. अपडेट गाइडलाइन के मुताबिक अब अविवाहित जोड़ा के होटल में चेक-इन ना करे दिहल जाई। मतलब कि होटल में खाली पति-पत्नी ही कमरा ले पाई। संशोधित नीति के तहत सभ जोड़ा से चेक-इन के समय अपना रिश्ता के वैध सबूत देवे के कहल जाई। ऑनलाइन कईल बुकिंग पs भी इs नियम लागू होई।

इहो पढ़ीं: भक्तिमय सोमार: 'श्रद्धा के सागर' जानीं पटना के हनुमान जी के युग्म मूर्ति वाला मंदिर 'महावीर मंदिर', इs काहें बा खास

मेरठ से शुरू भइल

कंपनी कहलस कि ओयो अपना साझेदार होटल के स्थानीय सामाजिक संवेदनशीलता के ध्यान में राखत अविवाहित जोड़ा के बुकिंग के अपना मर्जी से खारिज करे के अधिकार देले बिया। ओयो मेरठ में अपना साझेदार होटलन के निर्देश दिहले बा कि ऊ लोग एकरा के तुरते प्रभावी से सुनिश्चित कर देव. नीति में बदलाव से परिचित लोग के कहनाम बा कि जमीनी प्रतिक्रिया के आधार पs कंपनी एकरा के अवुरी शहर में विस्तार कs सकता। उs कहले कि, ओयो के पहिले सामाजिक समूह से भी प्रतिक्रिया मिलल रहे, खास तौर पs मेरठ में एs मुद्दा के समाधान खातीर भइल. एकरा अलावे कुछ अवुरी शहर के निवासी भी मांग कईले बाड़े कि अविवाहित जोड़ा के ओयो होटल में चेक-इन ना करे दिहल जाए।

इहो पढ़ीं : सबेरे-सबेरे: पाचन क्रिया होई दुरुस्त, करीं दूर इs तीन गो yoga