जारी भइल यूपी बोर्ड के कक्षा 10वीं आ 12वीं के के मॉडल क्वेश्चन पेपर
यूपी बोर्ड कक्षा दसवीं आ बारहवीं के परीक्षा फरवरी 2025 में शुरू होखे वाला बा. अयीसना में छात्र आपन तैयारी तेज कs देले बाड़े। विद्यार्थियन के तइयारी खातिर मॉडल पेपर के भी मदद के जरूरत बा, एही से उत्तर प्रदेश माध्यमिक शिक्षा परिषद (यूपीएमएसपी) दसवीं आ बारहवीं कक्षा के छात्रन खातिर मॉडल पेपर भी जारी कइले बा। अबकी बेर यूपी बोर्ड कक्षा दसवीं आ बारहवीं बोर्ड परीक्षा 2025 में आवे वाला विद्यार्थी आधिकारिक वेबसाइट पs जा के एकरा के डाउनलोड कs सकेलें. यूपी बोर्ड के आधिकारिक वेबसाइट upmsp.edu.in. बा।
एकरा के कइसे डाउनलोड कइल जाई?
ई मॉडल पेपर तइयारी के दौरान विद्यार्थियन के बहुते मदद कs सकेला. मॉडल पेपर से छात्र सवाल के प्रकार अवुरी अंक योजना के बारे में बढ़िया से जान पईहे। रउरा इहो समझ सकीले कि रउरा कवना स्तर के तइयारी करे के बा. मॉडल प्रश्न पत्र डाउनलोड करे खातिर विद्यार्थियन के आधिकारिक वेबसाइट पs जाए के पड़ी, आ ओकरा बाद मॉडल प्रश्न पत्र के लिंक पs क्लिक करे के पड़ी. मॉडल प्रश्न पत्र पीडीएफ रूप में दिहल जाई। विद्यार्थियन के ओह लिंक पs क्लिक कs के ओह लिंक से पीडीएफ डाउनलोड करे के पड़ी.
परीक्षा कब होई?
यूपी बोर्ड क्लास 10, 12 बोर्ड के परीक्षा 24 फरवरी से 12 मार्च 2025 के बीच होखे वाला बा। जबकि 21 जनवरी से 5 फरवरी 2025 ले प्रैक्टिकल परीक्षा होई। बोर्ड के परीक्षा दु पाली में होई – पाली 1 सबेरे 8:30 बजे से 11:45 बजे ले अवुरी पाली 2 दुपहर 2 बजे से सांझ 5:15 बजे ले। दसवीं कक्षा के पेपर पहिला पाली में हिंदी से शुरू होखी आ जबकि कक्षा 12 खातिर मिलिट्री साइंस के परीक्षा पाली 1 में आ हिंदी विषय के परीक्षा पाली 2 में होखे के बा।
इहो पढ़ीं: सबेरे-सबेरे: बइठले-बइठले कंधा में होखे लागेला जकड़न तs कs के देखीं इs 3 गो योगासन