लंच में नॉनवेज लइले पs प्रिंसिपल काट दिहलस स्कूल से नाव

जिला के एगो कान्वेंट स्कूल में एगो बच्चा के नॉन वेज खाना ले आवे से नाराज स्कूल के शिक्षक बच्चा के स्टोर रूम में बंद कs देले। एतने ना, बच्चा के नाम भी हटा दिहलस। बियफ़ें के जब बच्चा के महतारी एs मामला के शिकायत खातीर स्कूल पहुंचली तs प्रिंसिपल भी उनुका संगे बदसलूकी कईलस। इहाँ ले कि प्रिंसिपल बच्चा के सोझा बच्चा के महतारी के आतंकी कहले। एही बीच अमरोहा के मुस्लिम कमेटी एसडीएम के माध्यम से केंद्रीय शिक्षा मंत्री के एकर विरोध करत ज्ञापन देले बिया। एकरा संगे प्रधानाध्यापक के खिलाफ कार्रवाई के मांग भी कईल गईल बा।

असल में पूरा मामला अमरोहा के जोया रोड पs स्थित एगो निजी कान्वेंट स्कूल के बारे में बतावल जाता। इहाँ प्रिंसिपल एगो 5 साल के छात्र के नाम के काट के ओकरा पs स्कूल में नॉन वेज ले आवे के आरोप लगा देले। बियफ़ें के जब बच्चा के महतारी स्कूल पहुंच के मामला के शिकायत कईली तs प्रधानाध्यापक बच्चा पs हिन्दू बच्चा के मांस खियावे अवुरी मंदिर में तोड़फोड़ करे के आरोप लगवले। एs मुद्दा पs छात्रा के महतारी अवुरी प्रिंसिपल के बीच गरमागरम बहस भईल। छात्रा के महतारी दुनो लोग के बीच भईल बहस के वीडियो भी बना के सोशल मीडिया पs वायरल कs देली।

बीएसए जांच के आदेश दिहलस

मामला सोझा अईला के बाद शिक्षा विभाग में हलचल मच गईल अवुरी बेसिक एजुकेशन ऑफिसर एs वायरल वीडियो के संज्ञान लेले। बीएसए अमरोहा के 3 सरकारी कॉलेज के प्रिंसिपल के संयुक्त टीम बनवले बिया जवना से हिल्टन कॉन्वेंट स्कूल के प्रिंसिपल अवुरी बच्चा के महतारी के बीच भईल बकझक अवुरी आरोप के जांच अवुरी आरोप के जवाब दिहल जाई, जवन कि तीन दिन में एs पूरा मामला के जांच रिपोर्ट पेश करी। मुस्लिम समिति के अध्यक्ष हाजी खुर्शीद अनवर कहले कि हम आरोपी प्रधानाध्यापक के खिलाफ केस दर्ज कs के उनुका गिरफ्तारी के मांग करतानी, काहेंकी इs हमनी के बच्चा के भविष्य से जुड़ल मामला बा।