Vistara: विस्तारा एयरलाइंस के उड़ान के बम से उड़ावे के धमकी, दिल्ली के हवाई अड्डा पs सुरक्षित उतरल विमान
विस्तारा एयरलाइंस के एगो उड़ान के बुध के बम से उड़ावे के धमकी मिलल। ई उड़ान लंदन से दिल्ली आवत रहे। हालांकि, विमान सुरक्षित रूप से राष्ट्रीय राजधानी के हवाई अड्डा पs उतर गइल बा। सूत्र एकर जानकारी देलस।
सूत्रन के मोताबिक, विमान के शौचालय में एगो कागज के टुकड़ा मिलल, जेमे बम के बारे में सूचना मिलल। जइसही ई जानकारी मिलल, संबंधित अधिकारियन के तुरंत सूचित कइल गइल। विमान में करीब 290 यात्री सवार रहे लो।
एयरलाइन के एगो प्रवक्ता कहलें कि लंदन से राष्ट्रीय राजधानी के ओर आ रहल उड़ान संख्या यूके 018 के परिचालन के दौरान उनका कर्मचारियन से सुरक्षा संबंधी चिंता जतवलस। प्रवक्ता बतवलें कि प्रोटोकॉल के अनुसार संबंधित अधिकारियन के तुरंत जानकारी दिहल गइल आ विमान के दिल्ली हवाई अड्डा पs सुरक्षित उतरला के बाद जांच खातिर अनिवार्य जांच खातिर अलग इलाका में ले जाइल गइल।
ऊ कहलें, हमनी के जरूरी जांच के पूरा करे में संबंधित अधिकारियन के संगे पूरा तरे से सहजोग कइल। उड़ान में सवार लोगन के संख्या तुरंत नइखे बतावल जा सकल रहे।
