बरखा बदल दिहलस दिल्ली-एनसीआर के मौसम के मिजाज, जानीं आजु कइसन रही हाल?
एह हफ्ता भइल भारी बरखा के चलते दिल्ली-एनसीआर समेत पूरा उत्तर भारत के मौसम बदल गइल बा। बरखा से राष्ट्रीय राजधानी क्षेत्र में प्रदूषण में भी राहत मिलल। ठंड में तनी कमी आइल बा बाकिर ठंड के लहर तबाही मचा रहल बा। भारतीय मौसम केंद्र के मुताबिक बरखा के चलते कुछ दिन तक ठंडा लहर के असर देखाई दिही। आईएमडी के कहना बा कि पश्चिमी गड़बड़ी के असर शनिचर के दिने भी लउकी।
दिल्ली-एनसीआर में धूप
बुध के अवुरी बीयफ़ें के बरखा के बाद सुक के दिल्ली-एनसीआर में घना कोहरा देखाई देलस। हालांकि दुपहरिया ले कोहरा साफ हो गईल अवुरी घाम निकल गईल। आ शनिचर के दिने सबेरे से सूरज खिलल शुरू हो गइल। एही बीच आईएमडी 4 फरवरी के बरखा अवुरी हवा के यलो अलर्ट जारी कईले बिया। एकरा संगे दिन भर बादल छाइल रही। 30 से 40 किलोमीटर प्रति घंटा के रफ्तार से तेज हवा बहत रही।
आईएमडी अलर्ट जारी कs दिहलस
5 फरवरी से मौसम साफ होखे लागी। सबेरे मध्यम से घना कोहरा हो सकेला। एकरा संगे 6 से 8 फरवरी के बीच आसमान साफ रही। मैदान में बरखा के संगे पहाड़ी इलाका में भी बर्फबारी होखेला। पहाड़ उज्जर चादर से ढंकल बा। पहाड़ पs बर्फबारी के असर मैदान में ठंडा लहर के रूप में लउकेला। एकरा चलते न्यूनतम तापमान में गिरावट आई। ठंडा लहर के संभावना बा। एकरा चलते कड़ा जाड़ा एक सप्ताह चाहे एकरा से जादे समय ले रह सकता।