पैकेट वाला दूध, टेट्रा पैक आ कच्चा दूध, जानीं राउर सेहत खातीर कवन बा जादा फायदेमंद

दूध स्वास्थ्य खातिर बहुत फायदेमंद होला। दूध से कैल्शियम, विटामिन डी, वसा अवुरी विटामिन बी 12 मिलेला। गाय के दूध के अमृत मानल जाला। बाकीर आजकल शहर के लोग के शुद्ध दूध तक ना मिल पावेला। मेट्रो में रहे वाला अधिकांश लोग पैक में राखल दूध पीये पs मजबूर बाड़े। ई दूध डेयरी से पैक होके शहरन में पहुँच जाला। हालांकि एs बीच दूध के शुद्ध बनावे अवुरी जल्दी खराब ना होखे खातीर बहुत प्रक्रिया से गुजरे के पड़ेला। पॉलीथीन दूध के पाश्चुराइज कs के तेज आंच प पकावल जाला। एह प्रक्रिया में दूध के कई गो पोषक तत्व भी कम हो जाला। हालांकि दूध बनावे वाला निर्माता एकरा के सबसे सुरक्षित अवुरी फायदेमंद मानत बाड़े। का रउवा जानत बानी कि कवन दूध आपके स्वास्थ्य खातीर जादे फायदेमंद बा?

कवन दूध स्वास्थ्य खातिर फायदेमंद बा?

•कच्चा दूध- एह प्रकार के दूध सीधे गाय भा भैंस से लिहल जाला। कई बेर एह दूध में हानिकारक बैक्टीरिया भी बढ़ सकेला। जदी जानवर के ठीक से साफ ना कईल जाए चाहे दूध देवे वाला बर्तन के ठीक से साफ ना कईल जाए तs एकरा से नुकसान हो सकता। हालांकि एs दूध के गरम कs के पीयल जा सकता। कच्चा दूध स्वास्थ्य खातिर नुकसानदेह हो सकता।

•पैकेट दूध- अमूल, मदर डेयरी समेत कई कंपनी पैकेट दूध बेच रहल बाड़ी सs। एह दूध के पाश्चुराइज्ड आ होमोजीनाइज कइल जाला। एह दूध के पहिले एगो बिसेस उच्च तापमान पs गरम कइल जाला आ फेर तुरंत ठंडा कइल जाला, जेकरा चलते दूध के भीतर पावल जाए वाला बैक्टीरिया आ अशुद्धि सभ के नष्ट हो जाला। अइसन दूध में विटामिन डी आ अउरी कई गो पोषक तत्व खतम हो जाला।

•टेट्रा पैक दूध- इs दूध सबसे सुरक्षित अवुरी पोषक तत्व से भरपूर मानल जाला। टेट्रा पैक में उपलब्ध दूध के अल्ट्रा उच्च तापमान पs गरम कइल जाला। कई बेर एकरा के कुछ समय खातिर उच्च तापमान पs रखल जाला आ तुरंत ठंडा कइल जाला। ई दूध एगो डिब्बा में पैक कइल जाला जवना में 6 परत होला। टेट्रा पैक दूध के बहुत स्वस्थ अवुरी सुरक्षित मानल जाला।