राम मंदिर प्राण प्रतिष्ठा समारोह में शामिल होहिहें सोनिया? अयोध्या ट्रस्ट एह नेता लो के भेजलस निमंत्रण
अयोध्या में बनत भव्य राम मंदिर में होखे वाला अभिषेक समारोह में शामिल होखे खातिर कांग्रेस अध्यक्ष मल्लिकार्जुन खरगे, सोनिया गांधी आ लोकसभा में पार्टी के नेता अधीर रंजन चौधरी के नेवता भेजल गइल बा। एह नेता लोग के 22 जनवरी के होखे वाला अभिषेक समारोह खातिर बोलावल गइल बा। सूत्र बतावत बाड़े कि श्री राम जन्मभूमि तीर्थ क्षेत्र ट्रस्ट ओह लोग के नेवता भेजले बा बाकिर कांग्रेस के एह वरिष्ठ नेता लोग के एह समारोह में शामिल होखे के संभावना नइखे।
मल्लिकार्जुन खरगे, सोनिया गांधी आ अधीर रंजन चौधरी के निजी तौर पs नेवता भेजल गइल बा। एह समारोह में पूर्व प्रधानमंत्री मनमोहन सिंह आ एच डी देवेगौड़ा के भी बोलावल गइल बा। सूत्र बतवले कि ट्रस्ट से जुड़ल लोग के प्रतिनिधिमंडल इs नेवता देले बा अवुरी आवे वाला दिन में विपक्ष के अवुरी नेता के भी नेवता भेजल जाए के संभावना बा।
ट्रस्ट के कहनाम बा कि, अलग-अलग परंपरा के पूज्य संत के अलावे अलग-अलग क्षेत्र में देश के गौरव ले आवे वाला सभ प्रमुख लोग के नेवता दिहल गईल बा।ट्रस्ट के कहनाम बा कि नयका तीर्थ क्षेत्र पुरम (बाग बिजैसी) में 'टेन्ट सिटी' बनावल गईल बा, जवना में छह ट्यूबवेल, छह रसोई घर अवुरी 10 बेड के अस्पताल बनल बा। देश भर के करीब डेढ़ सौ डाक्टर एह अस्पताल में रोटेशन आधार पs आपन सेवा देबे पs सहमत हो गइल बाड़े। ट्रस्ट के कहनाम बा कि एह उत्सव में भाग लेबे खातिर विभिन्न संप्रदाय के करीब चार हजार संत लोग के बोलावल गइल बा।
आडवाणी, जोशी के भी नेवता
भाजपा के वरिष्ठ नेता लालकृष्ण आडवाणी अवुरी मुरली मनोहर जोशी के मुताबिक, विश्व हिन्दू परिषद के कार्यरत अध्यक्ष आलोक कुमार बटावाले के अगिला महीना अयोध्या के होखेवाला राम मंदिर के अभिषेक समारोह में शामिल होखे के उम्मेद बा। कुमार एगो बयान भी जारी कs कहले कि आडवाणी अवुरी जोशी दुनो लोग के 22 जनवरी के होखेवाला समारोह में शामिल होखे खातीर 'हर संभव प्रयास' करे के चाही।
एक दिन पहिले राम मंदिर ट्रस्ट सोमार के कहले रहे कि अयोध्या में राम मंदिर आंदोलन के नेतृत्व करेवाला आडवाणी अवुरी जोशी के स्वास्थ्य अवुरी उमिर से जुड़ल कारण से अगिला महीना होखेवाला प्राण प्रतिष्ठा समारोह में शामिल होखे के संभावना कम बा। अयोध्या में एगो प्रेस कांफ्रेंस के दौरान आमंत्रित लोग के विस्तृत सूची पेश करत राम मंदिर ट्रस्ट के महासचिव चंपत राय कहले रहले कि स्वास्थ्य अवुरी उमिर से जुड़ल कारण से आडवाणी अवुरी जोशी के अभिषेक समारोह में शामिल होखे के संभावना कम बा। विहिप के कामकाजी अध्यक्ष कुमार एगो बयान जारी कs कहले कि, "राम मंदिर आंदोलन के नेता लाल कृष्ण आडवाणी जी अवुरी डॉ. मुरली मनोहर जोशी जी के 22 जनवरी 2024 के अयोध्या में होखेवाला राम मंदिर प्राण प्रतिष्ठा कार्यक्रम में शामिल होखे खातीर बोलावल गईल बा। कुमार कहले।" , "दुनो सीनियर कहले कि उs लोग ए आयोजन में शामिल होखे खातीर हर संभव प्रयास करीहे। " आडवाणी 96 साल के जबकि जोशी अगिला महीना 90 साल के हो जईहे।