अमेज़ॅन में मिललऽ दुनिया के सबसे बड़हन प्रजाति के सांप, जानी एकरऽ खासियत
World's largest snake: अमेज़ॅन में विशाल एनाकोंडा के अज्ञात प्रजाति के खोज कइलऽ गइलऽ बा । जेकरे बारे में कहनाम बा कि इ 7.5 मीटर ले बढ़ सकतऽ बा आ एकर वजन 500 किलोग्राम के लमसम हो सकत बा, जवन दुनिया में एकरा के अभी तक ले सबसे बड़हन आ भारी सांप बनावताऽ।
अमेज़ॅन में विशाल एनाकोंडा के प्रजाति मिललऽ बा
कइसे करे ला शिकार
दक्षिण अमेरिका के नदियन आ आर्द्रभूमियन में मिले वाला इ एनाकोंडा आपन बिजली के गति आ शिकार के चारों ओर लिपटके, उनकर दम घोंटके आ उनका पूरा निगलके उनकर जान लेवे के क्षमता खातिर जानल जाला। एगो नया प्रकाशित दशकनऽ के लंबा अध्ययन में अब पावल गइलऽ बाकि हरा एनाकोंडा आनुवंशिक रूप से दु अलगा-अलगा प्रजाति बा।
कइसे भइल खोज
स्वदेशी वोरानी लोगन के संगे काम करे वालनऽ शोधकर्ता इक्वाडोर के अमेज़ॅन में बैहुएरी वोरानी क्षेत्र के बामेनो क्षेत्र में नया नामित उत्तरी हरियर एनाकोंडा (यूनेक्टेस अकायिमा) के कय गो नमूना के पकड़ आ उनकर अध्ययन कइले। इ प्रजाति विल स्मिथ के संगे नेशनल जियोग्राफ़िक के डिज़्नी प्लस सीरीज़ पोल टू पोल के फिल्मांकन के दउऽरान पाइल गइल रहे।
कहांवा पाइलऽ जाला
वैज्ञानिकन ने नया प्रजाति के कय गो एनाकोंडा के दस्तावेजीकरण कइले हऽ । इ उथल पानी में छिपल रहे, शिकार के ब़ाट में लेटल रहे, काहे की उऽ अमेजोनियन नदी प्रणाली में डोंगी चलावतऽ रहले। क्वींसलैंड विश्वविद्यालय के अध्ययन के सह-लेखक ब्रायन फ्राई एगो बयान में कहले, ‘इ शानदार प्राणियन के आकार अविश्वसनीय रहे - एगो मादा एनाकोंडा जेकर हमनी के सामना करे पड़ल रहे, ओकर लंबाई आश्चर्यजनक रूप से 6.3 मीटर रहे। क्षेत्र में एनाकोंडा 7.5 मीटर से बेसी लंबा और लगसम 500 किलोग्राम वजन वाला बाडन। जर्नल डायवर्सिटी में वर्णित नया प्रजाति, लमसम 10 मिलियन बरिस पहिले पहिलहीं से ज्ञात दखिन हरियर एनाकोंडा से भिन्न रहे, जवन आनुवंशिक रूप से 5.5 प्रतिशत से भिन्न रहे।
का कहनाम बा वैज्ञानिकन के
शोधकर्ता लोग के अनुसार, इ खोज एनाकोंडा के संरक्षण खातिर महत्वपूर्ण बा, जवन शीर्ष शिकारी हs आ अपना पारिस्थितिक तंत्र में संतुलन बनाए रखे खातिर महत्वपूर्ण । वैज्ञानिकन के कहनाम बा कि एनाकोंडा के स्वस्थ आबादी के मतलब हs कि उनका पारिस्थितिकी तंत्र पर्याप्त खाद्य संसाधन आ साफ पानी के संगे जीवंत बा, जबकि सांपन के घटत संख्या पर्यावरणीय संकट के संकेत दे सकतऽ बा। एही से इ जाने के बा की एनाकोंडा के कवनो प्रजाति मौजूद बा,आ उनकर संख्या के निगरानी कइलऽ महत्वपूर्ण बा। औद्योगिक कृषि, जंगल के आग, सूखार, जलवायु परिवर्तन के संगे - संगे तेल निष्कर्षण गतिविधियन से फइले वालन भारी धातु प्रदूषण के कारण होखला से भूमि विखंडन से एनाकोंडा आ उनकर आवासन पs खतरा
बढ़ रहलऽ बा।
