सुबेरे-सुबेरे : पैंट आ जींस में दिखाई देला मोट जांघ? एह योगासन के अभ्यास से जल्दीए कम हो जाई चर्बी

जांघ के चर्बी कम करे खातिर योग : ज्यादातर बईठल काम अवुरी कम शारीरिक गतिविधि के चलते शरीर में अतिरिक्त वसा बढ़ जाला। दिन भर डेस्क वर्क के चलते शरीर के निचला हिस्सा कमजोर होखे लागेला। जांघ अवुरी कूल्ह में अतिरिक्त चर्बी जमा होखे लागेला। एकरा चलते शरीर के निचला हिस्सा में चर्बी ऊपरी हिस्सा के मुक़ाबले जादे बढ़ जाला अवुरी शरीर भारी देखाई देवे लागेला।

व्यायाम भा योग से मोटापा भा शरीर के चर्बी कम कइल जा सकेला। हालांकि अक्सर लोग के पता ना चलेला कि कवन व्यायाम चाहे योग उनुका शरीर के मुताबिक करे के चाही। अगर आप मोट जांघ के चर्बी कम कईल चाहतानी तs अयीसन योग करीं जवन कि शरीर के निचला हिस्सा के अतिरिक्त चर्बी के कम करे में कारगर होखेला।

•उत्कटासन

उत्कटासन के चेयर पोज कहल जाला। एह आसन के अभ्यास करे खातिर दुनो गोड़ के बीच तनी जगह राख के खड़ा होके हाथ आगे के ओर पसार के हथेली के नमस्ते मुद्रा में जोड़ल जाला। अब बांह के ऊपर उठा के घुटना मोड़ के श्रोणि के नीचे कs दीं। अब टखना आ घुटना के सीधा राखत नमस्कार मुद्रा में आ जाईं आ रीढ़ के हड्डी के सीधा राखीं।

•एकपादासन

मोट जांघ के पतला करे खातिर गोड़ अलगा कs के सीधा खड़ा होखे के चाहीं। अब बांह उठा के प्रणाम मुद्रा में हथेली जोड़ दीं। पीठ के सीधा रख के साँस छोड़ के शरीर के तब तक मोड़ दीं जब तक कि उs फर्श के समानांतर ना हो जाव। एकरा दौरान बांह के कान के नजदीक राखत धीरे-धीरे पीठ के ऊपर उठाईं। एकरा बाद श्रोणि, शरीर के ऊपरी हिस्सा अवुरी बांह के सीधा राखत दाहिना गोड़ के ऊपर के ओर उठाईं। आँख के फर्श पs केंद्रित करत संतुलन बना के राखे के चाही।

•वृक्षासन

एह आसन के करे खातिर सीधा खड़ा होके दाहिना गोड़ के फर्श से उठा के बायां गोड़ पs शरीर के वजन के संतुलन बनाईं। अब दाहिना गोड़ के भीतरी जांघ पs रख के हथेली से सहारा दे दीं। प्रणाम मुद्रा में आके, गगन की ओर हाथ ली। कुछ समय तक एह योग के दोहराईं।