योगी मंत्रिमंडल के विस्तार अतवार के : 2 कैबिनेट, 3 राज्य मंत्रियन के मिली जगह; लोकसभा चुनाव से पहिले सहजोगी दलन के तरजीह

योगी कैबिनेट के विस्तार अतवार के सबेरे 11 बजे होई। ओमप्रकाश राजभर, भाजपा नेता दारा सिंह चौहान आ रालोद के विधायकन के मंत्रिमंडल में जगह दिहल जाई। एकरा के लेके सीएम योगी आदित्यनाथ सुक के राजभवन पहुंचलें। इहां राज्यपाल से मंत्रिमंडल विस्तार पs चरचा भइल। राज्यपाल के मंत्रियन के लिस्ट सउपल गइल। सूत्रन के मोताबिक, योगी मंत्रिमंडल में 5 चेहरन के जगह मिल सकत बा।

दु कैबिनेट आ तीन राज्य मंत्रियन के मिली जगह

लोकसभा चुनाव से पहिले बीजेपी ई बड़ मास्टर प्लान बनवले बिया। जवना के तहत भाजपा में सामिल भइल सब सहजोगी दलन के अब संतुष्ट करे खातिर मंत्रिमंडल में जगह दिहल जाई। मानल जा रहल बा कि अतवार के होखे वाला मंत्रिमंडल विस्तार में ओपी राजभर आ दारा सिंह चौहान के कैबिनेट मंत्री तs ओहिजा RLD से एगो विधायक के राज्यमंत्री बनावल जाई। एकरा संगही आ चेहरा के मंत्रिमंडल में जगह दिहल जाई।

दरअसल, ओमप्रकाश राजभर पिछला साल जुलाई महीना में सपा छोड़के NDA में सामिल भइल। एकरा बाद से ऊ मंत्री बने के इंतजार कs रहल बानी। खुद कइयन बेर मंत्रिमंडल विस्तार के डेट आ समय के ऐलान कs चुकल बा। अब 7 महीना के इंतजार के बाद बियफे के ऊ एकरा के लेके नाराजगी जतवलें। इशारन में बीजेपी के अल्टीमेटम दे दिहल।

राजभर कहलें- जदि राजपाट ना मिलल तs होली ना मनाएम। एकरा पहिले मंत्रिमंडल विस्तार पs ऊ कहले रहस- जवन बोलेनी सीना ठोक के बोलेनी। जवना दिन मंत्रिमंडल विस्तार होई ओह दिन मंत्री बनेम। जब तक मंत्री ना बन जाएम तब तक अधिसूचना जारी ना होखे देम।

साभार: दैनिक भास्कर