जवन अंग्रेज हमनी पs राज कइलख, आज ऊ ब्रिटेन के सबसे अमीर शख्स बनल ई भारतीय, गदगद कर दीही ई कहानी

Hinduja Group : सिंध के शिकारपुर शहर के निवासी युवा उद्यमी परमानंद दीपचंद हिंदुजा साल 1914 में हिंदुजा समूह के नींव रखले रहलन।

भारतीय मूल के एगो आदमी कई साल से ब्रिटेन के सबसे अमीर व्यक्ति बा। हम गोपीचंद हिंदुजा के बात करत बानी । ऊ हिंदुजा ग्रुप के चेयरमैन हवन । लगातार छठवाँ बेर हिंदुजा परिवार ब्रिटेन के अमीर लोग के सूची में सबसे ऊपर बा। संडे टाइम्स के रिच लिस्ट के मुताबिक हिंदुजा परिवार के संपत्ति 37.196 अरब पाउंड बा। पिछला एक साल में हिंदुजा परिवार के संपत्ति में 2.19 अरब पाउंड के बढ़ोतरी भइल बा । अब तक हिन्दुजा ग्रुप आ गोपीचंन हिंदुजा के सफर कइसन रहल बा, ई जानी के।

 मुख्यालय 60 साल तक ईरान में रहल

सिंध के शिकारपुर शहर के निवासी युवा उद्यमी परमानंद दीपचंद हिंदुजा साल 1914 में हिंदुजा समूह के नींव रखले रहलन। मर्चेंट बैंकिंग आ व्यापार से शुरू भइल । एकरा बाद साल 1919 में कंपनी ईरान में आपन ऑफिस खोललख आ कंपनी के मुख्यालय 60 साल तक ईरान में रहल। जब 1979 में इस्लामिक क्रांति भइल आ ईरान के शाह के पतन भइल त हिंदुजा समूह लंदन में आपन मुख्यालय बनवलस। हिंदुजा ग्रुप के भारत में छह गो सूचीबद्ध कंपनी बाड़ी स जवना में अशोक लिलैंड्स आ इंडसइंड बैंक शामिल बाड़ी स। वर्तमान में एह समूह के बिजनेस 48 गो देस सभ में फइलल बा आ लगभग 1,50,000 कर्मचारी एह समूह में काम करे लें। हिंदुजा ग्रुप कंपनी अनिल अंबानी के कंपनी रिलायंस कैपिटल खरीदे के सबसे बड़ बोली लगवले बिया।

दोस्त लोग हमरा के जीपी कहेला

गोपीचंद हिंदुजा के जनम 1940 में भारत में भइल रहे। दोस्त लोग ओकरा के जीपी कहेला। उ हिंदुजा ऑटोमोटिव लिमिटेड के प्रमुख बाड़े। पिछला साल बड़ भाई श्रीचंद हिंदुजा के निधन के बाद उ हिंदुजा ग्रुप के चेयरमैन बनले। गोपीचंद जैन हिन्द कॉलेज, मुंबई से स्नातक कइले बानी। 1971 में परमानंद दीपचंद के निधन के बाद गोपीचंद आ उनकर भाई ए धंधा के नाया ऊंचाई प ले गइले। वर्तमान में हिंदुजा ग्रुप ऑटो, आईटी, मीडिया एंड एंटरटेनमेंट, ऑयल एंड स्पेशलिटी केमिकल, बैंकिंग एंड फाइनेंस, पावर जनरेशन, रियल एस्टेट, हेल्थकेयर समेत कई क्षेत्र में कारोबार कर रहल बा।

 अशोक लिलैंड आ इंडसइंड बैंक जइसन कंपनी

आज अशोक लीलैंड भारत के दूसरा सबसे बड़ व्यावसायिक वाहन निर्माता बा। कंपनी के दुनिया भर में करीब 10 प्रोडक्शन यूनिट बा। साल 1994 में हिंदुजा ग्रुप भारत के बैंकिंग क्षेत्र में प्रवेश कइलस। एकरा बाद साल 2000 में हिंदुजा ग्रुप हिंदुजा ग्लोबल सॉल्यूशंस के स्थापना कइलस। इ समूह साल 1984 में गल्फ के भी खरीदले रहे। बाद में एकर नाम बदल के गल्फ ऑयल कॉरपोरेशन लिमिटेड कर दिहल गइल।