2 जुलाई: देश के इतिहास में 'काला दिन',जानी आज के दिन के इतिहास
2 जुलाई के नाम पर देश आ दुनिया के इतिहास में दर्ज कुछ अउरी घटना के क्रमिक विवरण निम्नलिखित बा...
2 जुलाई भारत के इतिहास में एगो करिया दिन हs। बंगाल के आखिरी स्वतंत्र नवाब सिराज-उद-दौला के हत्या से उनकर शासन के अंत भारत में ब्रिटिश ईस्ट इंडिया कंपनी के शासन के आधार मानल जाला। नवाब के सेना के सेनापति मीर जाफर प्लासी के लड़ाई में उनकर धोखा दे दिहलें आ 23 जून 1757 के बंगाल के सेना रॉबर्ट क्लाइव के नेतृत्व में ईस्ट इंडिया कंपनी के सेना से हरा दिहलस। हार के बाद 2 जुलाई 1757 के सिराज-उद-दौला पर कब्जा कर लिहल गइल। ईस्ट इंडिया कंपनी से भइल समझौता के मुताबिक मोहम्मद अली बेग नामक हरम देवरी में नवाब के हत्या कs देले। सिराज-उद-दौला के हत्या के लेके ब्रिटिश ईस्ट इंडिया कंपनी आ मीर जाफर के बीच समझौता भइल रहे। बंगाल के अंतिम नवाब सिराज-उद-दौला के कब्र पश्चिम बंगाल के मुर्शीदाबाद के खुशबाग में बा।
- 1306 : अलाउद्दीन खिलजी सिवाना पर हमला कइलख।
- 1757 : प्लासी के लड़ाई में हार के बाद बंगाल के आखिरी नवाब सिराज-उद-दौला के हत्या।
- 1985 : आंद्रेई ग्रोमाइको सोवियत संघ के राष्ट्रपति चुनल गइलें।
- 1940 : ब्रिटिश सरकार सुभाष चंद्र बोस के कोलकाता में विद्रोह भड़कावे के आरोप में गिरफ्तार कइलस।
- 1940 : हिटलर ब्रिटेन पर हमला करे के आदेश दिहलन आ ‘ऑपरेशन सी लायन’ शुरू कइलन ।
- 1941 : नाजी नरसंहार भइल, लेम्बर्ग में लगभग 7000 लोग के मौत हो गइल।
- 1949 : वियतनाम के अंतर्राष्ट्रीय मान्यता मिलल ।
- 1962 : सैम वाल्टन आर्कन्सा के रोजर्स में आपन पहिला वालमार्ट स्टोर खोलले ।
- 1979 : सुसान बी एंथोनी डॉलर जारी भइल जवन कवनो औरत के सम्मानित करे वाला पहिला अमेरिकी सिक्का हs।
- 1993 : ओएनजीसी के एगो अध्यादेश के माध्यम से निगम में बदल दिहल गईल।
- 2002 : पूरा भारत में हेपेटाइटिस सी के जांच अनिवार्य कर दिहल गइल ।
