कोहरा में चलावत बानी कार तs जरूर राखी एs बातन के ध्यान, दुर्घटना के संभावना होई कम

बढ़त जाड़ा में बस घंटन बिछौना पs लेटे के मन होला। बाकिर, रोजगार वाला लोग खातिर इs संभव नईखे। अइसना में घर से बाहर निकले के पड़ेला। अगर रउरा ओह लोग में शामिल बानी जे खुदे गाड़ी से ऑफिस ले जालें भा सबेरे अपना लइकन के छोड़ेलें तs रउरा एह बात के जानकारी होखे के चाहीं कि कोहरा में गाड़ी चलावल केतना मुश्किल होला. एह साल कोहरा चरम पs बा आ गाड़ी चलावत घरी दुर्घटना के आशंका बा. कोहरा में गाड़ी चलावत घरी कवन-कवन बात के ध्यान में राखे के जरूरत बा ताकि दुर्घटना के संभावना कम हो सके।

कोहरा में कईसे करीं ड्राइव

करीं धीरे ड्राइव
जाड़ा में कोहरा लउके तs धीरे-धीरे गाड़ी चलावे के जरूरत बा। कोशिश करीं कि सामान्य गति से तनी धीमा गाड़ी चलाईं जेहसे कि अगर अचानक कोहरा में कवनो बाधा देखाई देवे तs एक्शन करे के समय मिल जाए। 

लो बीम हेडलाइट आ फॉग लैंप के इस्तेमाल करीं

कोहरा खातिर लो बीम हेडलाइट अवुरी फॉग लैंप के इस्तेमाल करे के कोशिश करीं। हाई बीम लाइट के कारण दृश्यता अउरी कम हो जाला। फॉग लैंप चालू होखला पs गाड़ी गरम रही। 

लेन मार्कर्स पs भरोसा करीं

जब दृश्यता बहुत कम होखे आ रास्ता में कतहीं ना रुक सकेनी तs लेन मार्कर पs ध्यान दीं आ ओह पs ध्यान देत आगे बढ़ीं. सिंगल लेन सड़क पs बाईं ओर रहीं आ ट्रैफिक से दूरी बना के राखीं. 

अचानक ब्रेक लगावे से बचे के चाहीं 
रउरा खाली अपना बारे में ना बलुक दोसरा लोग के बारे में सोचत कोहरा में गाड़ी चलावे के पड़ी. अगर रउरा अचानक ब्रेक लगाईं तs रउरा पीछे के गाड़ी कोहरा में रउरा से टकरा सकेली सँs. एहसे रउरा आ सामने वाला दुनु के सुरक्षा खतरा में पड़ जाला.

अस्वीकरण: सलाह समेत ई सामग्री खाली सामान्य जानकारी देले। ई कवनो तरह से योग्य चिकित्सा राय के विकल्प नइखे. अधिक जानकारी खातिर हमेशा कवनो विशेषज्ञ भा अपना डॉक्टर से सलाह लीं. खबर भोजपुरी एह जानकारी के जिम्मेदारी नइखे लेत.

इहो पढ़ीं: सबेरे-सबेरे: सरीर के फिट राखे खातीर रोज करीं इs 3 गो योगासन